Söknuðu átta af hverjum tíu hótelgestum

Það var ekki fyrr en um miðjan júní sem flugsamgöngur urðu með eðlilegri hætti á ný. Þar með var niðursveiflan á íslenskum hótelum og gistiheimilum mikil í júní sem væntanlega má að mestu rekja til fyrri hluta mánaðar.

Framboð á hótelherbergjum í Reykjavík dróst verulega saman í júní. MYND: GUNNLAUGUR RÖGNVALDSSON

Heild­ar­fjöldi greiddra gistinátta í júní síðast­liðnum dróst saman um 72 prósent saman­borið við júní 2019. Þar af fækkaði gistinóttum á hótelum um 79 prósent og um 75 prósen á gisti­heim­ilum samkvæmt tilkynn­ingu frá Hagstof­unni.

Þar kemur jafn­framt fram að fækk­unin á öðrum tegundum gisti­staða, t.d. farfugla­heim­ilum, orlofs­húsum og tjald­svæðum nam 63 prósentum.

Um 86 prósent gistinátta voru skráðar á Íslend­inga eða um 227 þúsund. Gist­inætur útlend­inga voru um 36.400 eða 14 prósent af heild­inni.

Framboð á gist­i­rými hefur líka dregist veru­lega saman og þannig voru 32 hótel lokuð í júní. Mestur samdrátt­urinn varð á höfuð­borg­ar­svæðinu þar sem framboð á hótel­her­bergjum dróst saman um nærri fjörutíu af hundraði. Þrátt fyrir það var nýtingin rétt um 11 prósent. Hún var aftur á móti 77,4 prósent í sama mánuði í fyrra.

Besta nýtingin var á Norð­ur­landi, Aust­ur­landi, Vest­ur­landi og Vest­fjörðum eða tæpur þriðj­ungur.

Líkt og kom í máli fram­kvæmda­stjóra Íslands­hótela, hér á Túrista, þá var herbergja­nýting út á landi miklu betri í júlí en á höfuð­borg­ar­svæðinu. Meðal­verðið er aftur á móti mun lægra en á sama tíma í fyrra.