Samfélagsmiðlar

„Við gætum fyllt flugvélar til New York“

Það fóru 73 þúsund íslenskir ferðamenn til Bandaríkjanna í fyrra og 74 þúsund frá Eystrarsaltslöndunum þremur. Nú gæti stærri hluti af síðarnefnda hópnum flogið með Icelandair vestur um haf eftir samning félagsins við ríkisflugfélag Lettlands sem er jafnframt það umsvifamesta innan Eystrarsaltslandanna þriggja.

Airbaltic og Icelandair hafa gert með sér samning um samstarf í farþegaflugi.

Í flugflota lettneska flugfélagsins Airbaltic eru eingöngu nýjar Airbus A220. Þetta eru farþegaþotur af minni gerðinni með sæti fyrir 145 farþega og þær eru ekki nógu langdrægar til að komast frá Riga, höfuðborg Lettlands, til austurstrandar Bandaríkjanna. Þar með fer Airbaltic á mis við stóran kúnnahóp því eins og Martin Gauss, forstjóri félagsins, lýsti yfir í ársbyrjun þá gæti Airbaltic fyllt flugvélar af farþegum á leið til New York.

Gauss hefur þó útilokað Ameríkuflug á vegum Airbaltic í nánustu framtíð og hefur lagt áherslu á að félagið leiti frekar eftir samstarfsaðila sem geti boðið farþegunum upp á tengiflug vestur um haf. Og nú liggur fyrir að Icelandair og Airbaltic ætla sér að snúa bökum saman.

Í gær tilkynntu félögin um samstarf sem gerir það að verkum að félögin geta gefið út flugmiða hjá hvoru öðru. Þar með geta farþegar Airbaltic flogið hingað frá Riga og svo áfram með þotum Icelandair til Bandaríkjanna og Kanada þegar flug þangað hefst á ný.

Í því samhengi má nefna að í fyrra fóru 73 þúsund Íslendingar til Bandaríkjanna sem er jafn stór hópur og fór þangað frá Eystrarsaltslöndunum þremur líkt og áður hefur komið fram hér hjá Túrista.

Miðað við núverandi flugáætlun félaganna tveggja þá er hætt við að farþegar Airbaltic þurfi að bíða lengi í Leifsstöð þegar flogið er frá Bandaríkjunum og til Lettlands með viðkomu á Íslandi. Þotur Icelandair lenda nefnilega í morgunsárið á Keflavíkurflugvelli á meðan brottför Airbaltic þaðan til Riga um kaffileytið. Tengitíminn er aftur á móti stuttur þegar flogið er frá austri til vesturs.

Hið nýja samstarf gerir líka farþegum Icelandair kleift að nýta tengiflug frá Riga ef leiðin liggur til austurhluta Evrópu, Miðausturlanda eða jafnvel Norður-Afríku.

Kórónuveirukreppan hefur komið illa við Airbaltic eins og önnur flugfélög. Af þeim sökum hefur lettneska ríkið aukið eignarhlut sinn í félaginu úr áttatíu prósentum í níutíu prósent. Eini einkafjárfestirinn er danskur flugmógull.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …