Það voru fimmtán farþegaþotur sem lentu á Keflavíkurflugvelli í gær og áttu rúmlega tvö þúsund manns bókað sæti í þessar ferðir. Rétt um fjögur hundruð farþegar mættu samkvæmt heimildum Túrista. Það jafngildir því að fjórir af hverjum fimm farþegum sem áttu bókað Íslandsflug í gær hafi hætt við að ferðast.
Sætanýtingin í þessum fimmtán áætlunarferðum í gær hefur verið rétt um fimmtán prósent að jafnaði en til samaburðar þá voru sjö af hverjum tíu sætum í þotum Icelandair í júlí skipuð farþegum.
Það var í fyrradag sem hertari reglur um sóttkví gengu í gildi. Þann dag mættu eitt þúsund farþegar í áætlunarflug til Íslands eða um þriðjungur af þeim fjölda sem átti bókað sæti.