Samfélagsmiðlar

MAX þoturnar skrefi nær því að komast í loftið á ný

Í byrjun næsta mánaðar ætla kanadísk yfirvöld að gera prófanir MAX þotunum umdeildu og munu evrópsk flugmálauyfirvöld taka þátt í þeim.

Icelandair hafði fengið sex MAX þotur afhentar þegar allar flugvélar af þeirri tegund voru kyrrsettar í mars í fyrra.

Flugöryggisstofnun Evrópu ætlar að senda flugmenn til Kanada til að taka þátt í prófunum þarlendra yfirvalda á Boeing MAX þotunum. Ráðgert er að þessi tilraunaflug verði á dagskrá þann sjöunda september. Þar með þurfa viðkomandi flugmenn að fara í flughermi í Bretlandi strax eftir helgi samkvæmt frétt Bloomberg.

Þar segir að þetta sé stór áfangi í því að aflétta kyrrsetningu þotanna en hún hefur nú varað í meira en sautján mánuði. Á þeim tíma hafa verið gerðar breytingar á þotunum og þá helst á stýrikerfi þeirra enda eru tvö mannskæð flugslys rakinn til þess búnaðar.

Í frétt Bloomberg er eftir sérfræðingi í fluggeiranum að prófanirnar í Kanada séu vísbending um að yfirvöld í Bandaríkjunum, Kanada og Evrópu verði samstíga í að heimila notkun flugvélanna á ný. Fyrstu tilraunaflug Bandaríkjamanna með MAX þoturnar fóru fram í sumar.

Boeing MAX þotum er ætlað stórt hlutverk hjá Icelandair næstu ár líkt og fram kemur í nýrri fjárfestakynningu. Á næsta ári er þannig gert ráð fyrir að níu af tuttugu og þremur þotum félagsins verði af gerðinni Boeing MAX. Árið 2022 bætast svo við þrjár þess háttar flugvélar.

Nýtt efni

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …