Samfélagsmiðlar

Mun ekki hika við að mæla með Hótel Rangá á ný

Breska ferðaskrifstofan Discover the World hefur lengi boðið viðskiptavinum sínum upp á dvöl á Hótel Rangá. Á því verður engin breyting en loka þurfti hótelinu tímabundið vegna Covid-19 smita.

clive turisti is

Clive Stacey, eigandi Discover the World.

Hótel Rangá hefur verið í umræðunni að undanförnu eftir að sjö gestir og einn starfsmaður hótelsins reyndust smitaðir af kórónaveirunni um miðjan mánuðinn. Í kjölfarið var hótelinu lokað tímabundið. Allir ráðherrar ríkisstjórnarinnar, nema tveir, þurftu svo að fara svokallaða smitgát um síðustu helgi eftir að hafa snætt á hótelinu.

Clive Stacey, eigandi bresku ferðaskrifstofunnar Discover the World, hefur lengi boðið viðskiptavinum sínum upp á dvöl á Hótel Rangá og fjöldi þeirra hefur einmitt gist á hótelinu nú í sumar.

„Fyrr í sumar varði ég eftirminnilegri viku í ferðalag um Ísland þar sem ég skoðaði hótel og mat aðbúnað við ferðamannastaði áður en við myndum á ný senda viðskiptavini okkar til Íslands,“ segir Stacey. Hann segist hafa verið sérstaklega hrifinn af þeim aðgerðum sem gripið hafði verið til á Hótel Rangá til að tryggja að öryggi gesta.

„Um leið og hótelið opnar á ný þá mun ég ekki hika við að mæla með Rangá fyrir viðskiptavini okkar og ég mun jafnvel leggja leið mína þangað sjálfur,“ segir Stacey.

Hann bætir því við að hann sendi Friðriki Pálssyni, eiganda Hótel Rangár, og starfmönnum stuðningskveðjur.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …