Samfélagsmiðlar

Þurfa að losa sig við flugvélar

Stjórnendur Norwegian vilja skera niður flugflota félagsins en eigendur flugvélanna eru einmitt orðnir helstu hluthafar flugfélagsins.

Norwegian vill losa sig við fjölda Dreamliner þota á næstunni.

Í flota Norwegian eru þrjátíu og sjö Boeing Dreamliner þotur og eru þær eingöngu nýttar í ferðir norska félagsins milli heimsálfa. Langflestar í áætlunarflug milli Evrópu og Norður-Ameríku. Á þeim markaði hafa umsvif Norwegian aukist gríðarlega síðustu ár og til marks um það var félagið orðið stærsta evrópska flugfélagið á JFK flugvelli í New York.

Nú telja stjórnendur Norwegian að ekki sé þörf fyrir um það bil fimmtán af þessum þrjátíu og sjö Dreamliner þotum. Alla vega ekki næstu misseri því í dag fljúga sárafáir milli heimsálfa. Þetta kom fram í máli stjórnenda félagsins á afkomufundi í gær og Dagens Næringsliv segir frá.

Þar er haft eftir Jakob Schram, forstjóra Norwegian, að það verði ekki einfalt að losna við flugvélarnar nú þegar eftirspurnin eftir þotum er lítil sem engin.

Schram bindur þó vonir við að stærstu eigendur flugfélagsins geti aðstoðað við að finna lausn á vandanum. Í þeim hópi eru nefnilegar nokkrar flugvélaleigur sem eignuðust stóran hlut í flugfélaginu í tengslum við fjárhagslega endurskipulagningu þess í vor.

Þannig er flugvélaleigan BOC Aviation orðin næst stærsti hluthafinn í Norwegian. Og sú er einmitt ein þeirra sem leigir Icelandair MAX þoturnar umtöluðu líkt og Túristi fór yfir fyrr í sumar. En leigusalar Icelandair hafa samþykkt að rukka ekki leigu næstu tólf mánuði í tengslum við fjárhagslega endurskipulagningu fyrirtækisins.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …