Samfélagsmiðlar

Vilja ekki setja Play í loftið of snemma

Áætlanir forsvarsmanna Play hafa gengið út á að flugrekstur þess myndi hefjast nú í haust en forstjóri þess að félagið geti beðið fram á næsta vor.

Arnar Már Magnússon, forstjóri Play.

„COVID-19 hefur látið okkur aðeins draga andann og viljum við alls ekki fórna sterkri stöðu okkar með því að byrja of snemma. Við ætlum frekar að bíða átekta en félagið getur, eins og fram hefur komið, byrjað í haust eða jafnvel beðið fram á næsta vor ef COVID-19 leyfir ekki annað. Staða okkar gerir okkur kleyft að stjórna hvort það sé fyrr eða seinna. Við erum að meta frá degi til dags hvernig við högum þessu eins og aðrir “ segir Arnar Már Magnússon, forstjóri Play, aðspurður um fyrirætlanir félagsins .

Áform Play hafa hingað til gengið út á að hefja flugrekstur í haust en segja má að horfurnar í flug- og ferðageiranum hér á landi séu tvísýnni núna en þær voru fyrir nokkrum vikum síðan.

Til marks um það þá eru umsvif Icelandair í dag nokkru minni en stjórnendur þess gerðu ráð fyrir um miðjan júní þegar flugsamgöngur voru að hefjast á ný. Önnur bylgja kórónaveirunnar hefur svo aukið óvissuna enn frekar.

Það kom fram í máli Skúla Skúlasonar, stjórnarformanns Play, í Viðskiptablaðinu í júní að rekstur fyrirtækisins kostar um 30 til 50 milljónir króna á mánuði. Þar með má gera ráð fyrir að heildarkostnaður nú í vor og sumar hafi verið að lágmarki 150 milljónir króna.

Norski fluggreinandinn Hans Jørgen Elnæs lýsti því yfir hér á síðum Túrista í júlí að hann teldi of áhættusamt fyrir Play að fara í loftið nú í vetur. Máli sínu til stuðnings benti hann á að bókanir fram í tímann væru ennþá mjög takmarkaðar og eftirspurn eftir flugi væri óljós.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …