Samfélagsmiðlar

Biðja ríkið um að bæta helming af tjóni flugfélaga

Forsvarsmenn þriggja stærstu flugfélaganna í Noregi sátu fund með ráðamönnum þar í landi í gær. Erindið var einfalt, þeir vilja bætur en ekki lán.

Frá flugvellinum í Ósló.

Hinar miklu takmarkanir á ferðum fólks síðustu sex mánuði hafa kostað norsk flugfélög um 28 milljarða norskra króna. Þetta er mat samtaka norskra flugrekenda sem kynnt var á fundi forráðamanna stærstu flugfélaga landsins og norskra ráðherra í gær. Biðla flugfélögin til norska ríkisins að bæta þeim helmingin af þessu tjóni. Sú upphæð samsvarar um 212 milljörðum íslenskra króna.

Norska ríkisstjórnin hefur áður stutt við fluggeirann þar í landi vegna heimsfaraldursins. Strax í vor fengu til að mynda flugfélög eins og SAS og Wideröe ríkisábyrgðir á lán. Þá fékk Norwegian líka loforð fyrir samskonar aðstoð en þó aðeins ef félagið næði að endurskipuleggja fjárhaginn. Það tókst svo í sumarbyrjun og Norwegian fékk lánalínu upp á fjörutíu og fimm milljarða íslenskra króna frá norskum skattgreiðendum.

Það dugar félaginu þó ólíklega til að komast í gegnum veturinn líkt og áður hefur komið fram. Jakob Schram, forstjóri Norwegian, mætti því til fundarins í gær og ítrekaði ósk sína um frekari stuðning en hvorki dönsk né sænsk stjórnvöld hafa viljað veita félaginu fé.

 Á sama tíma stefnir í að hlutur ríkjanna tveggja í SAS muni aukast umtalsvert eftir hlutafjárútboð félagsins nú í haust. Til viðbótar muni Svíar og Danir einnig kaupa bróðurpartinn af nýjum skuldabréfum félagsins.

Þrátt fyrir allan þennan stuðning þá var fulltrúi SAS líka á fundinum í gær enda tekur félagið þátt í þessari nýju kröfugerð norskra flugrekenda.  

Samkvæmt frétt Dagens Næringsliv þá gáfu fulltrúar norsku ríkisstjórnarinnar ekki út nein loforð eftir fundinn með flugfélögunum í gær

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …