Samfélagsmiðlar

Ekkert álit frá WOW air

Forsvarsfólk endurreisnar WOW air taldi ekki þörf á að taka þátt í umræðu um aðstoð ríkisins við Icelandair Group.

Áfram er unnið að því að koma WOW air í loftið á ný.

Það hafa borist ellefu umsagnir til fjárlaganefndar vegna frumvarps um ríkisábyrgð á fimmtán milljarða lánalínu til Icelandair. Ein þeirra er frá Play en fjárlaganefnd óskaði sérstaklega eftir áliti frá forsvarsmönnum þess.

Play er þó ekki komið með flugrekstrarleyfi og upphafleg áform félagsins um að hefja sölu flugmiða í nóvember í fyrra gengu ekki eftir. Endurkoma WOW air hefur líka dregist á langinn en hópur fjárfesta, undir stjórn hins bandaríska US Aerospace Partners, hefur unnið að henni síðustu tvö ár.

Fjárlaganefnd óskaði aftur á móti ekki eftir áliti frá WOW air og þaðan hefur heldur ekki borist nein umsögn.

 „Við töldum ekki þörf á því að blanda okkur í umræðuna enda teljum við ljóst að meirihluti sé fyrir því á Alþingi að veita Icelandair Group þessa ríkisábyrgð, segir Páll Ágúst Ólafsson, lögmaður WOW air, spurður út í þessa þögn. Hann staðfestir að áfram sé unnið að endurreisn flugfélagsins.

Meðal þess sem US Aerospace Partners keyptu úr þrotabúi WOW air var vörumerki flugfélagsins og vefslóðir. Það eru einmitt þær eignir sem íslenska ríkið fær veð í hjá Icelandair Group vegna ríkisábyrgðarinnar. Auk þess gæti ríkið fengið veð í afgeiðslutímum á Heathrow í London og JFK flugvelli í New York.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …