Samfélagsmiðlar

Engin formleg beiðni um lægra starfshlutfall flugmanna

Nú fljúga þotur Icelandair mun færri ferðir en ráðgert var. Af þeim sökum hefur starfshlutfall fastráðinna flugfreyja og flugþjóna hjá Icelandair verið fært niður í 75 prósent. Ekki hefur verið farið fram á það sama við flugmenn. Formaður FÍA telur ákvarðanir um hertar aðgerðir við landamæri hafa stórskaðað flugrekstur og ferðaþjónustu.

Næstu átta mánuði verður starfshlutfall flug­freyj­a og flugþjón­a Icelanda­ir aðeins 75 prósent. Er þessi leið farin til að koma í veg fyrir hópuppsagnir samkvæmt frétt Mbl.is en Icelandair hefur fellt niður fjölda flugferða eftir að gerð var krafa um að allir færu í fimm daga sóttkví við komuna til landsins. Sú regla gekk í gildi þann 19. ágúst.

Spurður hvort Icelandair hafi líka farið fram á starfshlutfall flugmanna yrði fært niður í 75 prósent þá segir Jón Þór Þorvaldsson, formaður Félags íslenskra atvinnuflugmanna, að ekki hafi borist formleg beiðni um slíkt.

„Hlutastörf og leyfi hafa þó verið rædd ásamt orlofsmálum og öðru, án þess að nákvæmar prósentur hafi verið settar niður,“ segir Jón Þór í svari til Túrista. 

Hann segir stöðug og góð samskipti milli Icelandair og flugmanna félagsins vegna síbreytilegra aðstæðna í flugheiminum og allar góðar hugmyndir eru til skoðunar sem geta aukið stöðugleika. 

„FÍA og Icelandair hafa rætt ýmsar leiðir til að styrkja enn frekar samkeppnisstöðu flugfélagsins. Áhersla er lögð á að geta hafið öfluga sókn á mörkuðum um leið og rofar til. Þjálfunarmál flugmanna vegna endurkomu Boeing 737 Max eru þar ofarlega á baugi. Flugmenn hafa staðið þétt með fyrirtækinu og munu gera áfram,“ bætir Jón Þór við.

Hann telur þó að ákvarðanir stjórnvalda um hertar aðgerðir á landamærum hafa stórskaðað rekstrarumhverfi flugrekstraraðila og ferðaþjónustunnar í heild sinni. „Færa má rök fyrir því að meðalhófs hafi ekki verið gætt í þeim ákvörðunum. Skaðinn sem valdið hefur verið er óbætanlegur. Það er einlæg von okkar flugmanna að stjórnvöld taki þessar ákvarðanir til endurskoðunar hið fyrsta,“ segir Jón Þór að lokum.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …