Ungverska lágfargjaldafélagið Wizz Air var það umsvifamesta í flugi til og frá Íslandi í byrjun mánaðar en síðustu daga hefur dregið nokkuð úr Íslandsflugi félagsins. Áfram gerir flugáætlun þess þó ráð fyrir ferðum til Keflavíkurflugvallar frá ellefu evrópskum borgum í sjö mismunandi löndum.
Af þessum sjö löndum er Ungverjaland það eina þar sem farþegar frá Íslandi þurfa í sóttkví við komuna. Ef flogið er héðan með Wizz Air til Austurríkis, Bretlands, Þýskalands, Póllands eða Ítalíu eru farþegar frjálsir ferða sinna.
Þessar upplýsingar eru nú birtar í nýju korti á heimasíðu Wizz Air sem verður uppfært að morgni hvers dags. Og ekki er vanþörf á enda breytast reglurnar oft með stuttum fyrirvara. Þar með er ekki einfalt að átta sig á því hvaða kröfur eru gerðar til ferðafólks í hverju landi fyrir sig.
Farþegar Wizz Air sem fljúga til Íslands þurfa svo allir í sóttkví við komuna hingað. Á þeirri reglu hafa ekki verið boðaðar neinar breytingar.
