Samfélagsmiðlar

Rekstrarfélag finnskrar ferðaskrifstofu í eigu Arion banka gjaldþrota

Eitt þeirra fyrirtækja sem áður tilheyrði Primera Travel Group varð í dag gjaldþrota.

Skjámynd af heimasíðu Matkavekka.

Arion banki tók yfir Travelco Nordic, ferðaskrifstofuveldi Andra Más Ingólfssonar, sumarið 2019 en það samanstóð þá af sjö norrænum ferðaskrifstofum. Þar á meðal Matkavekka í Finnlandi en í dag óskuðu stjórnendur ferðaskrifstofu eftir gjaldþrotaskiptum rekstrarfélags ferðaskrifstofunnar, Primera Holidays Oy.

Aðspurður um stöðuna þá staðfestir Jón Karl Ólafsson, stjórnarformaður Travelco Nordic, að þetta hafi því miður orðið niðurstaðan. Jón Karl undirstrikar að gjaldþrot rekstrarfélagsins hafi engin áhrif á viðskiptavini Matkavekka né birgja en hjá fyrirtækinu unnu um tíu manns.

Á heimasíðu Matkavekka er ennþá hægt að panta ferðir enda fer ferðaskrifstofureksturinn fram í gegnum danskt systurfélag. En eins og staðan er í dag má segja að ferðalög til og frá Finnlandi séu mjög takmörkuð enda þurfa flestir þeir sem til landsins koma að fara í tveggja vikna sóttkví.

Travelco Nordic hét áður Primera Travel Group en eftir gjaldþrot Primera Air, haustið 2018, þá voru allar ferðaskrifstofur samsteypunnar færðar undir danskt móðurfélag. Heimsferðir voru þar á meðal en sú ferðaskrifstofa var færð undir íslenskt félag við yfirtöku Arion banka í fyrrasumar.

Nýtt efni

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …