Samfélagsmiðlar

SAS komið fyrir vind í bili

Viðræður við eigendur skuldabréfa í SAS hafa loks skilað árangri og þar með er síðustu hindruninni fyrir hlutafjárútboð félagsins hrundið úr veginum. Fyrirfram er búið að selja bróðurpartinn af nýju hlutabréfunum.

Hlutafjárútboð SAS verður haldið undir lok næsta mánaðar.

Saman fara danska og sænska yfirvöld með 29 prósent hlut í SAS. Og strax í upphafi kórónaveirukreppunnar gáfu stjórnvöld í löndunum tveimur út að SAS fengi opinbera lánalínu. Svo dróst kreppan á langinn og í sumarbyrjun var nýr björgunarpakki kynntur.

Sá gekk út á að stærstu eigendurnir, danska og sænska ríkið, myndu setja inn aukið hlutafé í SAS og um leið kaupa stóran hluta af nýrri skuldabréfaútgáfu félagsins. Þó var sá fyrirvari settur að þetta yrði aðeins gert ef eigendur eldri og óveðtryggðra skuldabréfa myndu fallast á að breyta hluta af sínum kröfum í hlutafé.

Viðræðurnar við þessa skuldabréfaeigendur hafa aftur á móti dregist á langinn en í gær náðist samkomulag.

Þar með er ekkert í veginum lengur fyrir því að SAS geti hrundið af stað hlutafjárútboðinu sem boðað var í sumar. Og þar hafa danskir og sænskir ráðamenn heitið að kaupa stærstan hluta útgáfunnar eða 81,5 prósent.

Það þýðir að eignarhlutur nágrannaríkjanna tveggja gæti hækkað upp í 73 prósent ef fjárfestar halda að sér höndum. Ef þátttakan í útboðinu verður mikil þá fer hluturinn Dana og Svía aðeins upp í 37 prósent.

Upphaflega var ætlunin að fjórir skandinavískir bankar myndu sölutryggja það sem upp á vantar eða 18,5 prósent af útgáfunni. Nordea bankinn, sem er sá stærsti á Norðurlöndum, vildi þó ekki taka þátt og þar með varð heldur ekkert af þátttöku hinna bankanna.

Nýtt efni

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …

Útlit er fyrir að það hægist aðeins um í ferðaþjónustunni á þessu ári miðað við hraðan vöxtinn á síðasta ári. Ísland endurheimti ferðafólkið hraðar eftir heimsfaraldurinn en flest önnur lönd en nú er hægari gangur í bókunum. Þar hafa eldsumbrotin á Reykjanesskaga sín áhrif en hátt verðlag hér á landi fælir líka einhverja frá. Á …