Samfélagsmiðlar

99 ítalskar ferðaskrifstofur til fundar við íslensk ferðaþjónustufyrirtæki

Íslandsstofa stendur á næstunni fyrir nokkrum rafrænum ráðstefnum með erlendum ferðaskipuleggjendum.

Ítalir fjölmenna helst til Íslands yfir sumarmánuðina. Ítölskum ferðamönnum fjölgaði þó verulega hér þegar Norwegian bauð upp á beint flug frá Róm allt árið um kring. Nú eru aftur komnar á flugsamgöngur við Ítalíu yfir vetrarmánuðina.

Þó ferðalög milli landa liggi að miklu leyti niðri núna þá er ferðaþjónusta heimsins engu að síður að undirbúa sig fyrir betri tíð. Hluti af því eru fundir með ferðaskipuleggjendum í öðrum löndum en þó með rafrænum hætti.

Í næsta mánuði, nánar tiltekið 18. og 19. nóvember, taka íslensk ferðþjónustufyrirtæki til að mynda þátt í rafrænni vinnustofu með ítölskum ferðaheildsölum.

Samtals hafa 99 ítölsk fyrirtæki skráð sig til leiks og að minnsta kosti þrettán íslensk samkvæmt upplýsingum frá Íslandsstofu sem sér um ráðstefnuna. Norsk, finnsk og dönsk ferðaþjónustufyrirtæki ætla líka að ná tali af Ítölunum.

Áhuginn er því mikill en þess má geta að nú fljúga þotur Wizz Air allt árið um kring til Íslands frá Mílanó og Icelandair stefnir líka á áætlunarferðir frá ítölsku borginni næsta sumar.

Sigríður Dögg Guðmundsdóttir, fagstjóri ferðaþjónustu hjá Íslandsstofu, segir það ánægjulegt hversu mörg íslensk fyrirtæki hafi nú þegar skráð sig. Hún segir fleiri rafræna viðburði vera á dagskrá og þar með gefst fyrirtækjum tækifæri til að viðhalda tengslum sínum við viðskiptavini þrátt fyrir ástandið.

Í þessari viku fer til að mynda fram rafræn útgáfa af ITB Asia ferðakaupstefnunni og þar verða nokkur íslensk fyrirtæki með. Síðan er það Digital Travel Market í Þýskalandi þann 5. nóvember og Virtual World Travel Market sem fer fram dagana 9.-11. nóvember. Einnig eru í bígerð aðgerðir á Spánar- og Bandaríkjamarkaði að sögn Sigríðar. Sjá nánar á vef Íslandsstofu.

Þessi grein eru öllum opin en stór hluti af því efni sem nú birtist á Túrista er aðeins fyrir áskrifendur. Smelltu hér til að fá áskrift.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …