Samfélagsmiðlar

Áforma að veita Icelandair samkeppni á ný í vetrarlok

Í síðustu viku kynnti Icelandair sumaráætlun sína og núna liggur fyrir hvernig stjórnendur Norwegian sjá sumarið fyrir sér Ameríkuflugið frá London og París á næsta ári.

Norwegian notar Boeing Dreamliner þotur í ferðir sínar yfir Norður-Atlantshafið.

Tekjur Icelandair af farþegaflugi frá Boston lækkuðu umtalsvert á síðustu árum eins og rakið var nýverið í fjárfestakynningu félagsins. Þar kom jafnframt fram að stjórnendur félagsins vonast til að samkeppni í Evrópuflugi, frá bandarísku borginni, minnki og tekjur Icelandair komist þá á svipað ról og áður.

Það er þó ljóst að ennþá setja stjórnendur Norwegian stefnuna á Boston eftir að heimsfaraldrinum lýkur. Þannig gerir uppfærð sumaráætlun félagsins ráð fyrir að þotur félagsins fljúgi fjórar ferðir í viku til borgarinnar frá Gatwick flugvelli í London frá og með lokum mars. Yfir sumarmánuðina verður flogið daglega.

Til viðbótar þá ætlar félagið að halda úti þremur til fjórum ferðum í viku til Boston frá París.

Áfram ætlar Norwegian líka að fljúga til Denver en þar var Icelandair lengi eitt fárra flugfélaga sem bauð upp á ferðir til Evrópu. Þotur Norwegian eiga að halda úti flugi frá Denver til bæði London og Parísar frá og með vorinu.

Það er þó í flugi til og frá JFK flugvelli í New York sem umsvif Norwegian verða mest í Ameríkuflugi. Farþegar á bandaríska flugvellinum fá nefnilega val um allt að nítján ferðir í viku þaðan til London og daglega til Parísar með norska flugfélaginu.

Norðmennirnir ætlar sér einnig að taka upp þráðinn í Orlando í Flórída í sumarbyrjun. Þá með ferðum frá London og París. Í venjulegu árferði heldur Icelandair úti ferðum til Orlando fram í byrjun júní en núna er ekki gert ráð fyrir neinum ferðum þangað í sumaráætlun félagsins.

Þess ber að geta að fjárhagsstaða Norwegian er það slæm að forstjóri þess hefur viðurkennt að án viðbótar hlutafjár þá komist félagið ósennilega í gegnum veturinn.

Nýtt efni

Íslandsstofa varar við því að ríkið verji minna fé til að kynna og auglýsa Ísland sem áfangastað. Þetta kemur fram í umsögn um tillögu til þingsályktunar um ferðamálastefnu og aðgerðaráætlun til 2030. Um leið og því er fagnað að breyta eigi verklagi þannig að fyrirsjáanleiki verði meiri við markaðssetningu landsins gagnvart neytendum þá bendir Íslandsstofa …

Nú fljúga þotur Easyjet tvær ferðir í viku frá London til Akureyrar og hefur þessari nýjung verið vel tekið af íbúum á Norðurlandi. Það eru nefnilega Íslendingar í meirihluta sætanna um borð sem skýrir afhverju gistinóttum Breta á norðlenskum hótelum hefur lítið fjölgað þrátt fyrir þessa samgöngubót. Fyrir stjórnendur Easyjet skiptir ekki máli hvort það …

Þýski bílaframleiðandinn Mercedes-Benz hefur greint frá því að rafbílnum Vision EQXX hafi á dögunum verið ekið rúmlega 1.000 kílómetra leið frá Riyadh til Dúbæ á einni hleðslu. Meðaleyðslan var 7.4 kílóvattstundir á 100 km. leið. Þetta samsvarar því að bensínbíll eyddi um 0.9 lítrum á 100 km. Ökuleið Vision EQXX lá að sögn framleiðandans um …

„Metnaðurinn hjá hópnum er einstakur og það eru lífsgæði að starfa með jafn öflugu fólki og hér er að finna hjá Play,“ sagði Birgir Jónsson, forstjóri flugfélagsins, í tilkynningu um síðustu mánaðamót. Nú liggur fyrir að Birgir mun kveðja samstarfsfólk sitt um næstu mánaðamót, nokkrum dögum fyrir þriggja ára starfsafmæli sitt hjá Play. Frá þessu …

Nefnd Alþjóðasiglingamálastofnunarinnar (IMO) sem fjallar um verndun sjávar hóf vikulanga fundalotu í London í morgun þar sem m.a. verður rætt um aðgerðir til að draga úr losun CO2 frá kaupskipaflota heimsins. Vinnuhópur hefur fjallað um þau mál síðustu daga. IMO er stofnun Sameinuðu þjóðanna sem ber ábyrgð á öryggi og vernd skipa og vörnum gegn …

Í tilkynningu sem ráðuneyti sem fer með ríkiskaup Póllands sendi um helgina kemur fram að LOT standi nú frammi fyrir þeirri ákvörðun að halda sig við flugvélar brasilíska framleiðandans Embraer fyrir skemmri flugleiðir eða velja frekar vélar frá Airbus í Frakklandi. Leitað verður til beggja framleiðenda og þeir beðnir um tilboð í smíði 84 flugvéla …

Loftmengun hefur minnkað í Evrópu á síðustu 20 árum, samkvæmt nýrri spænskri rannsókn. Þrátt fyrir þetta sýnir rannsóknin líka að loftmengun víðast hvar í Evrópu er enn yfir heilsufarsmörkum.  Í rannsókninni, sem birtist í Nature, voru mengunartölur skoðaðar á 1.400 svæðum, innan 35 ríkja, þar sem 543 milljónir manns búa.  Þrátt fyrir að enn sé …

„Á tiltölulega skömmum tíma er orðið til öflugt íslenskt lággjaldaflugfélag með framúrskarandi vöru og þjónustu og bjarta framtíð. Virk samkeppni í flugi sem skilar sér í lægri fargjöldum, fjölbreyttum áfangastöðum og verðmætum erlendum gestum er sérstaklega mikilvæg fyrir eyju eins og okkar. Slík samkeppni varðar hagsmuni allra Íslendinga. Ég geng þess vegna ákaflega stoltur frá …