Bandaríski vogunarsjóðurinn PAR Capital Management hefur selt öll sín hlutabréf í Icelandair samkvæmt heimildum Túrista. Um er að ræða um 450 milljón hluti sem seldir voru á genginu 0,87. Viðskiptin voru því upp á nærri fjögur hundruð milljónir króna.
Samkvæmt síðasta hluthafalista Icelandair Group þá átti PAR Capital 506 milljónir hluta og hefur sjóðurinn því verið búin að selja fleiri bréf síðustu daga áður en gengið frá kaupum á restinni.
Heimildir Túrista herma að dreifður hópur innlendra fjárfesta hafi keypt upp hlut PAR Capital.
PAR Capital varð stærsti hluthafinn í Icelandair í apríl í fyrra eftir að hafa keypt upp nærri sex milljarða króna hlutafjáraukningu í félaginu. Sumarið 2019 nýtti sjóðurinn svo til að bæta við bréfum og varð því stærsti hluthafinn með 13,5 prósent.
Allt frá því í vor hefur PAR Capital hins vegar selt bréf í Icelandair í smáskömmtun og tók ekki þátt í hlutafjáraukningunni í síðasta mánuði. Það með fór eign sjóðsins niður í tæp 2 prósent.
