Gistinóttum erlendra ferðamanna á íslenskum hótelum fækkaði um 398 þúsund í ágúst. Á sama tíma fjölgaði gistinóttum Íslendinga á hótelunum um 55 þúsund. Á landsvísu má því segja að heimamenn hafi fyllt upp í fjórtán prósent af gatinu sem erlendu ferðamennirnir skildu eftir sig á markaðnum. Hlutfallið var þó mjög ólíkt milli landshluta eins og sjá má á grafinu hér fyrir neðan.
Á Austurlandi var viðbótin í fjölda íslenskra hótelnótta hlutfallslega mest í ágúst eða nærri sexföld frá sama tíma í fyrra. Þar bættust við rúmlega sjö þúsund íslenskar gistinætur en aftur á móti fækkaði þeim erlendu um tæplega fjórtán þúsund. Það skarð sem erlendir túristar var því fyllt að hálfu leyti af íslenskum gestum.
Hlutfallið var ennþá hærra á Norðurlandi því þar keyptu Íslendingar nærri tuttugu þúsund fleiri gistinætur en í ágúst í fyrra. Aftur á móti fækkaði gistinóttum útlendinga um 33 þúsund. Á Vesturlandi og Vestfjörðum náðu Íslendingar líka að fylla nærri helming þeirra herbergja sem útlendingar skyldu eftir sig ef svo má að orði komast.
Fjölgun íslenskra hótelgesta var minnst í höfuðborginni líkt og við mátti búast þar sem flestir búa þar og fjöldi hótela var lokaður. Íslenskar hótelnætur í höfuðborginni voru rétt um sextán hundruð fleiri en í ágúst í fyrra. Aftur á móti fækkaði þeim erlendu um 196 þúsund. Fjölgun íslensku gistinóttanna jafngildi tæpu einu prósenti af samdrættinum sem varð í gistinóttum útlendinga á hótelum höfuðborgarinnar.
Íslendingar voru líkt langt frá því að fylla upp í gatið sem útlendingarnir skildu eftir sig á Suðurnesjum eins og sjá má á línuritinu.
