Samfélagsmiðlar

Meiri samdráttur í hótelgistingu hér á landi en á hinum Norðurlöndunum

Nýliðin sumarvertíð stóð ekki undir nafni. Á íslenskum hótelum var niðursveiflan meiri að jafnaði en á hinum Norðurlöndunum.

Gistinóttum útlendinga fækkaði um 86% í höfuðborginni í sumar.

Það var víða slakað á ferðatakmörkunum í Evrópu í sumar en reglurnar voru þó mismunandi milli landa. Líka innan Norðurlandanna. Útlendingar máttu til að mynda ekki gista í Kaupmannahöfn í sumarbyrjun. Og Finnar og Norðmenn takmörkuðu ferðalög til sín meira en mörg önnur Evrópuríki gerðu, þar á meðal Ísland. Svíþjóð hefur haldið sínum landamærum opnum allt frá því að Covid-19 faraldurinn hófst.

Þrátt fyrir ólíkar aðgerðir þá hefur ástandið komið nokkuð jafnt niður á hótelum á Norðurlöndum fimm þegar horft er til gistinátta útlendinga. Fámennið hér á landi gerir það hins vegar að verkum að samdrátturinn á íslensku hótelunum var nokkru meiri en í Svíþjóð, Danmörku og Finnlandi eins og sjá má á töflunum hér fyrir neðan.

Þegar tölur fyrir sumarmánuðina þrjá eru skoðaðar þá kemur í ljós að gistinóttum útlendinga, á íslenskum hótelum, fækkaði um 85 prósent í sumar. Samdrátturinn var aðeins meiri í Noregi og Finnlandi en minni í Svíþjóð og Danmörku. Þar í landi var hann minnstur eða 79 prósent.

Þegar gistinætur heimamanna sjálfra eru teknar með í reikninginn þá lítur dæmið öðruvísi út. Aukin sókn Finna, Svía og Dana í hótelgistingu í sínum heimalöndum gerði það að verkum að þar var samdrátturinn í gistinóttum á hótelum rúmlega fjörutíu prósent í sumar. Þrátt fyrir að útlendingarnir hafi haldið sig að mestu fjarri.

Í Noregi var niðursveiflan þó álíka og hér á landi því í heildina fækkaði gistinóttum á norskum hótelum 62 prósent í sumar. Hér landi var hún þó ennþá meiri eða 66 prósent. Skýringin liggur ekki bara í fámenni íslensku þjóðarinnar heldur líka þeirri staðreynd að stór meirihluti þjóðarinnar býr á suðvesturhorninu en þar eru einmitt hótelin langflest.

Þannig sýndi nýleg samantekt Túrista að fjölgun gistinátta Íslendinga á reykvískum hótelum í ágúst var rétt um eitt prósent af þeim fjölda sem erlendu ferðamennirnir skildu eftir sig.

Þeir útlendingar sem bjuggu á norrænum hótelum í sumar kusu oftar en ekki að fara út á land. Samdrátturinn í gistinóttum erlendra ferðamanna var nefnilega hlutfallslega meiri í höfuðborgum en á landsvísu eins og sjá má á neðri töflunni.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …