Samfélagsmiðlar

Segir ekki óeðlilegt að breytingar verði gerðar á stjórn Icelandair Group

Eftir hlutafjárútboð Icelandair Group þá hefur vægi stærstu eiganda breyst töluvert frá síðasta aðalfundi.

Lífeyrisstjóðurinn LSR er orðinn stærsti hluthafinn í Icelandair Group með 7,99 prósent hlut eftir að hafa keypt ný hlutabréf fyrir rúmlega 1,8 milljarð króna í nýafstöðu hlutafjárútboði. Næst stærsti hluthafinn er lífeyrissjóðurinn Gildi með 6,61 prósent hlut.

Fyrir hlutafjáraukningu voru þessir tveir sjóðir meðal stærstu hluthafa Icelandair samsteypunnar. Þeir áttu þó minna en Stefnir, Lífeyrissjóður verzlunarmanna og PAR Capital Management og þar með höfðu þessir þrír fleiri atkvæði í síðasta stjórnarkjöri Icelandair sem fram fór á aðalfundi fyrirtækisins í byrjun mars sl.

Spurður hvort Gildi muni styðja eða beita sér fyrir vali á nýrri stjórn, í ljósi breyttra eignarhlutfalla, þá segir Aðalbjörn Sigurðsson, forstöðumaður upplýsingamála hjá Gildi, að ekki sé óeðlilegt að breytingar verði gerðar á stjórn félagsins, enda hafa orðið miklar breytingar í hluthafahópnum. „Umræður um málið hafa hins vegar ekki farið fram á vettvangi stjórnar Gildis,“ bætir Aðalbjörn við.

Túristi hefur óskað eftir skoðun Hörpu Jónsdóttur, framkvæmdastjóra LSR, á stöðu stjórnar Icelandair Group eftir hlutafjárútboðið. Svar Hörpu verður birt þegar það berst.

Formaður stjórnar Icelandair Group í dag er Úlfar Steindórsson og með honum í stjórn eru þau Svafa Grönfeldt, Nina Jonsson, Guðmundur Hafsteinsson og John F. Thomas.

Nú er örstutt í að stór hluti þess efnis sem hér birtist verði aðeins aðgengilegt áskrifendum. Tekjur af auglýsingasölu duga einfaldlega ekki lengur til að halda úti metnaðarfullum skrifum um ferðalög og ferðaþjónustu.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …