Aðeins 15 prósent flugvalla í heiminum eru alfarið í eigu einkaaðila

Keflavíkurflugvöllur er einn óhagkvæmasti og dýrasti flugvöllur Evrópu og sú fullyrðing stendur jafnvel þó horft sé til álíka stórra flugvalla sem starfræktir eru við sambærileg veðurskilyrði. Þetta er meðal þess sem kemur fram í nýrri úttekt OECD á Isavia og flugþjónustu hér á landi.

Til að draga úr kostnaði og auka samkeppnihæfni flugvallarins þá leggur OECD til að skoðað verði breytt eignarhald flugvallarins eða reksturinn boðinn út og þar gæti Isavia tekið þátt. Isavia er í dag opinbert hlutafélag í eigu hins opinbera.

Í skýrslu OECD er þó tekið fram að í dag er 67 prósent flugvalla í heiminum í eigu opinberra aðila og eignarhaldið þá svipað og hér á landi. 18 prósent flughafna eru í blandaðri eigu og aðeins fimmtán prósent eru alfarið í einkaeigu.

Í Bandaríkjunum tíðkast til að mynda að sveitarfélög reki flugvelli og þar í landi er aðeins einn áætlunarflugvöllur í einkaeigu líkt og Túristi hefur fjallað um. Flugforstjórar í Evrópu hafa líka bent á að evrópskir flugvellir eru almennt dýrari en þeir bandarísku þar sem krafan um arðsemi er há meðal eigenda evrópsku flugvallanna.

Nánar verður fjallað um úttekt OECD á Keflavíkurflugvelli og Isavia hér á síðum Túrista í dag.

Ný þota væntanleg til Akureyrar í dag

Seinka varð flugi Niceair frá Kaupmannahöfn til Akureyrar í gær þar sem þotan sem félagið er með á leigu var kyrrsett vegna deilu leigusala og eigenda flugvélarinnar samkvæmt frétt Mbl. Þotunni var svo flogið tómri til Írlands seinnipartinn í gær en farþegar Niceair flugu til Akureyrar með annarri leiguvél. Á morgun er á dagskrá ferð … Lesa meira

Leigusali Niceair reddar SAS

Stór hluti af þotunum í flota SAS eru teknar á leigu og síðustu misseri hafa stjórnendur flugfélagsins stillt þessum leigusölum upp við vegg og beðið um betri kjör. Segja má að það halli á viðsemjendur flugfélagsins því SAS nýtur stuðnings bandarískra dómstóla í þessum aðgerðum sínum því félagið nú í svokölluðu Chapter-11 ferli. Skráðu þig … Lesa meira

Fyrsta ferð Play til Stokkhólms

Þrjú flugfélög halda úti daglegum ferðum til Kaupmannahafnar og Óslóar frá Keflavíkurflugvelli en Icelandair hefur hins vegar setið eitt að Stokkhólmi í langan tíma. Á því verður nú breyting því frá og með deginum í dag munu þotur Play taka stefnuna á Arlanda flugvöll, við höfuðborg Svíþjóðar, fjórum sinnum í viku. Icelandair flýgur alla daga … Lesa meira

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.