Samfélagsmiðlar

Ætla að tengja saman leiðakerfi flugfélaga sem starfa á sitthvorum flugvellinum í dag

Hér á landi er ekki hægt að tengja saman alþjóðaflug og innanlandsflug öfugt við það sem tíðkast út í heimi. Forstjóri Icelandair boðar nú betri tengingu á milli leiðakerfis Icelandair og Air Iceland Connect.

airicelandconnect

Unnið hefur verið að því síðan í vor að sameina rekstur Icelandair og Air Iceland Connect sem bæði tilheyra Icelandair samsteypunni. Sú vinna stendur ennþá yfir.

Í útvarpsfréttum RÚV í gær sagði Bogi Nils Bogason, forstjóri Icelandair Group, að til greina kæmi að fella rekstur Air Iceland Connect alfarið undir Icelandair.

„Við erum að horfa til einföldunar og að straumlínulaga reksturinn. Bæði til að lækka kostnað en ekki síður til að styrkja tekjugrunn beggja félaga. Tengja saman leiðakerfin betur en áður og bókunarkerfi og þess háttar,“ útskýrði Bogi Nils.

Ekki kom þó fram í frétt Rúv hvernig tengja á saman leiðakerfi flugfélaganna tveggja þegar þau halda úti áætlunarflugi frá sitthvorum flugvellinum. Túristi hefur óskað eftir útskýringum frá Icelandair á því og mun birta svarið þegar það berst.

Rekstur Air Iceland Connect hefur verið þungur síðustu ár. Þannig nam heildartap félagsins, fyrir skatt, samtals 2,2 milljörðum króna síðustu fimm ár. Í fyrra náði félagið að rétta úr kútnum og nam hagnaðurinn þá 125 milljónum króna samkvæmt upplýsingum frá flugfélaginu.

Meðal þeirra aðgerða sem stjórnendur þess gripu til í fyrra var að fækka flugvélum og ferðum. Þannig dróst sætaframboð félagsins saman um fimmtung í fyrra og farþegum fækkaði um tólf prósent

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …