Bæði bresku félögin bíða með ferðir til Íslands

Síðustu vikur hefur British Airways haldið úti reglulegum ferðum milli Íslands og Heathrow flugvallar við London. Icelandair hefur aftur á móti aflýst flestum sínum ferðum til Heathrow en fór þó eina ferð sl. sunnudag.

Nú á föstudaginn er aftur á móti komið að síðustu ferð breska flugfélagsins héðan í bili því samkvæmt heimasíðu félagsins er næsta brottför ekki á dagskrá fyrr en í byrjun janúar.

Biðin eftir því að easyJet hefji flug að nýju verður þó styttri því fyrir jól er von á þotum þess félags hingað til lands á ný. Þá frá Edinborg, Manchester og Luton, skammt frá London. Frá Luton býður Wizz Air líka upp á flug til Íslands en þær ferðir liggja niðri í það minnsta fram í miðjan janúar.

Sem fyrr segir hefur Icelandair að mestu haldið sig frá London að undanförnu þó uppfærð flugáætlun félagsins geri ráð fyrir daglegum ferðum til Heathrow. Næstu vikur verður félagið þó eitt um ferðirnar til bresku höfuðborgarinnar.

Það gæti þó orðið sérstaklega fámennt í þotunum sem fljúga til og frá Bretlandi næstu vikur vegna hertari aðgerða þar í land til að stemma stigu við útbreiðslu kórónuveirunnar. Fjöldi alþjóðlegra flugfélaga hefur aflýst ferðum þangað vegna þeirra sóttvarnaraðgerða sem nú gilda í landinu.

Tæplega sautján hundruð farþegar flugu milli Íslands og Bretlands í september en þeir voru um 78 þúsund á sama tíma í fyrra samkvæmt tölum frá breskum flugmálayfirvöldum. Svona upplýsingar eru ekki opinber gögn á Íslandi.

Þessi frétt er öllum opin en meirihluta þeirra greina Túrista eru núna aðeins fyrir áskrifendur. Hér getur þú keypt áskrift

Leigusali Niceair reddar SAS

Stór hluti af þotunum í flota SAS eru teknar á leigu og síðustu misseri hafa stjórnendur flugfélagsins stillt þessum leigusölum upp við vegg og beðið um betri kjör. Segja má að það halli á viðsemjendur flugfélagsins því SAS nýtur stuðnings bandarískra dómstóla í þessum aðgerðum sínum því félagið nú í svokölluðu Chapter-11 ferli. Skráðu þig … Lesa meira

Fyrsta ferð Play til Stokkhólms

Þrjú flugfélög halda úti daglegum ferðum til Kaupmannahafnar og Óslóar frá Keflavíkurflugvelli en Icelandair hefur hins vegar setið eitt að Stokkhólmi í langan tíma. Á því verður nú breyting því frá og með deginum í dag munu þotur Play taka stefnuna á Arlanda flugvöll, við höfuðborg Svíþjóðar, fjórum sinnum í viku. Icelandair flýgur alla daga … Lesa meira

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.

Ekki kominn tími til að halla sér aftur

Endurreisn ferðaþjónustunnar eftir heimsfaraldur varð hröð af því að fyrirtækin voru fyrir hendi. Miklir fjármunir töpuðust þrátt fyrir mótvægisaðgerðir en vegna góðrar afkomu á síðasta ári eru horfur betri en ella. Þetta eru meðal niðurstaðna í greiningu KPMG á fjárhagsstöðu ferðaþjónustunnar, sem kynnt var í dag.

„Maður sýnir ekki plan B“

„Þetta er eitt mikilvægasta mál sem Ísland stendur frammi fyrir," sagði Lilja Dögg Alfreðsdóttir, ferðamálaráðherra, í Brussel í morgun um boðaðar breytingar á viðskiptakerfi með losunarheimildir frá flugi. Hún er vongóð um að tekið verði tillit til hagsmuna Íslands en vill ekkert segja hvaða afleiðingar það hefði á stöðu Íslands innan EES ef breytingar nást ekki fram.