Samfélagsmiðlar

Ekki lengur hægt að panta sæti í ferðir sem aldrei verða farnar

Stjórnendur Icelandair hafa tekið upp nýja starfshætti og þar með er einfaldara fyrir þá sem þurfa til útlanda að sjá hvaða ferðir eru sannarlega í boði.

Svona voru ferðir Icelandair merktar á heimasíðum erlendra flugvalla. Nú hefur félagið aftur á móti bætt upplýsingagjöf til flugvalla og neytenda.

Þrátt fyrir að þotur Icelandair hafi ekki sést í París, Ósló, Stokkhólmi eða Berlín í margar vikur þá hefur verið opið fyrir bókanir í ferðir þangað í allt haust. Á þetta misræmi benti Túristi á fyrir helgi en þá var hægt að kaupa miða í ferðir til þessara fjögurra borga alla þessa viku sem nú er að hefjast. Jafnvel þó Icelandair hafi ekki flogið þangað síðan í sumarlok.

Nú hafa stjórnendur Icelandair aftur á móti tekið þessar borgir úr sölu næstu vikur. Þar með verður einfaldara fyrir neytendur að átta sig á því hvert flugfélagið flýgur í raun og veru þessa dagana. Staðan hefur nefnilega valdið ruglingi meðal fólks líkt og Brynhildur Pétursdóttir, framkvæmastjóri Neytendasamtakanna, benti á í samtali við Túrista.

Það er líka allt annað að sjá heimasíðu Keflavíkurflugvallar eftir að Icelandair hóf að taka út allar aflýstar ferðir. Áður settu þessar ferðir sterkan svip á dagskrá dagsins á heimsíðu Keflavíkurflugvallar enda aflýsti félagið að jafnaði átta ferðum á dag fyrstu tvær vikurnar í október. Á sama tíma flugu þotur félagsins kannski eina til þrjár ferðir á dag.

Komur og brottfarir Icelandair voru líka stundum þær einu á heimasíðum erlendra flugvalla sem merktar voru „cancelled“ líkt og Túristi fjallaði um þann 13. október.

Tveimur dögum síðar breytti Icelandair svo um takt og nú eru ferðir félagsins ekki lengur merktar með rauðu út i heimi.

Nú er að sjá hvort Icelandair uppfæri líka flugáætlun sína því hún gerir ráð fyrir daglegum ferðum til Kaupmannahafnar og London. Í síðustu viku fór Icelandair aftur á móti bara eina ferð til London og felldi líka niður ferðir til Kaupmannahafnar.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …