Allt frá því í júní hefur farþegum í innanlandsflugi fækkað um rétt rúmlega helming frá því sem var í fyrra. Í október sl. var niðursveiflan hins vegar ennþá meiri sem skrifast væntanlega á aukna útbreiðslu Covid-19 smita í haust.
Þannig fór 8.561 farþegi um Reykjavíkurflugvöll í október en þeir voru hátt í þrjátíu þúsund á sama tíma í fyrra. Samdrátturinn nemur 71 prósenti en hann var ennþá meiri á Akureyrarflugvelli þar sem farþegunum fækkaði um 76 prósent í síðasta mánuði.
Þar voru farþegarnir í október í fyrra um 17 þúsund en núna aðeins fjögur þúsund eins og sjá má á töflunni hér fyrir neðan.