Fimm smitaðir hjá Wizz Air

Stórsókn Wizz Air á norska markaðnum er hafin en félagið ætlar sér að bjóða upp á innanlandsflug milli norskra borga og bæja í vetur. Fargjöldin eru lág eða frá 99 norskum krónum sem jafngidlir um fimmtán hundruð íslenskum krónum.

Útgerð Wizz Air í Noregi byggir á áhöfnum frá Póllandi en þar í landi er útbreiðsla kórónaveirunnar talsvert hærri en í Noregi. Og eftir fyrstu vikuna þar í landi þá hafa fimm starfsmenn Wizz Air veikst af Covid-19 og eru nú í sóttkví á hótelum í Ósló. Þetta kemur fram í frétt Dagens Næringsliv.

Samtals eru um hundrað og fimmtíu flugmenn og flugfreyjur að störfum í Noregi á vegum Wizz Air í tengslum við innanlandsflugið. Og talsmenn flugfélagsins fullyrða að öllum reglum varðandi skimanir og sóttkví hafi verið fylgt.

Þess má geta að Erna Solberg, forsætisráðherra Noregs, hefur gefið út að hún muni ekki fljúga með Wizz Air í ljósi þess að félagið virðir ekki rétt starfsmanna til að vera í verkalýðsfélögum. Forkólfar launþega í Noregi hafa sömuleiðis hvatt félagsmenn sína til að sniðganga félagið.

Wizz Air er mjög stórtækt í Íslandsflugi en næstum allar ferðir félagsins til Íslands liggja niðri fyrir utan flug til Varsjár.

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.

Ekki kominn tími til að halla sér aftur

Endurreisn ferðaþjónustunnar eftir heimsfaraldur varð hröð af því að fyrirtækin voru fyrir hendi. Miklir fjármunir töpuðust þrátt fyrir mótvægisaðgerðir en vegna góðrar afkomu á síðasta ári eru horfur betri en ella. Þetta eru meðal niðurstaðna í greiningu KPMG á fjárhagsstöðu ferðaþjónustunnar, sem kynnt var í dag.

„Maður sýnir ekki plan B“

„Þetta er eitt mikilvægasta mál sem Ísland stendur frammi fyrir," sagði Lilja Dögg Alfreðsdóttir, ferðamálaráðherra, í Brussel í morgun um boðaðar breytingar á viðskiptakerfi með losunarheimildir frá flugi. Hún er vongóð um að tekið verði tillit til hagsmuna Íslands en vill ekkert segja hvaða afleiðingar það hefði á stöðu Íslands innan EES ef breytingar nást ekki fram.

Vanguard á lista yfir stærstu hluthafa Icelandair

Bandarískir sjóðir halda áfram að auka hlut sinn í Icelandair því samkvæmt nýjum hluthafa lista þá hefur bandaríska sjóðastýringafyrirtækið Vanguard eignast 0,89 prósent hlut í Icelandair. Flugfélagið bætist þar með í hóp fjölda skráðra íslenskra fyrirtækja sem Vanguard hefur fjárfest í undanfarin misseri. Um leið eykst vægi erlendra fjárfesta í eigendahópi Icelandair en líkt og … Lesa meira