Malasíski kaupsýslumaðurinn Vincent Tan hefur tryggt 40 milljarða króna fjármögnun til þess að hefjast handa við uppbyggingu Four Seasons hótels á Miðbakkanum í Reykjavík. Þetta fullyrti Tryggvi Þór Herbertsson, stjórnarformaður Icelandairhótelanna og umsjónarmaður fjárfestinga Vincents Tan hér á landi í viðtali við Morgunblaðið í gær.
Þetta fimm stjörnu hótel yrði reist á lóð sem Vincent Tan keypti fyrir tveimur árum síðan við Geirsgötu 11. En líkt og fram hefur komið þá heimilar núverandi deiliskipulag ekki hótelbyggingu á svæðinu.
Nokkuð hundruð metrum frá lóðinni hans Vincent Tan er verið að leggja lokahönd á byggingu Marriott Edition hótels sem verður fyrsta fimm stjörnu hótelið í Reykjavík. Forsprakki þess verkefnis er Richard L. Friedman, aðaleigandi bandaríska fasteignaþróunarfélagsins Carpenter & Company
Það fyrirtæki kemur ekki aðeins að Marriott Edition hótelinu við Hörpu því á heimasíðu félagsins kemur fram að félagið vinni líka að byggingu tveggja Four Seasons hótela. Annað þeirra er í Boston og hitt í New Orleans.
Þar með lýkur ekki tengslum Friedmann við Four Seasons því hann sat jafnframt í stjórn hótelkeðjunnar til margra ára en lét af störfum um síðustu áramót.
Þrátt fyrir þessu miklu tengsl Friedmann við Four Seasons þá ætlar sú hótelkeðja nú að reisa 150 herbergja hótel stuttan spöl frá Marriott Edition hótelinu hans Friedmann á hafnarbakkanum í Reykjavík.
