Samfélagsmiðlar

Greiðsluskjól Gray Line framlengt en N1 áfrýjar

Héraðsdómur veitti Allrahanda Gray Line áframhaldandi heimild til fjárhagslegrar skipulagningar fram í lok mars á næst ári. Eini kröfuhafinn sem setti sig gegn þessari heimild var N1 og nú hafa stjórnendur fyrirtæksins áfrýjað úrskurðinum til Landsréttar.

airportexpress

Afkoma Gray Line fyrstu þrjá mánuði þessa árs var jákvæð og nam viðsnúningurinn um eitt hundrað milljónum króna.

Tekjur hópbifreiðafyrirtækisins Allrahanda Gray Line lækkuðu um 98,9 prósent á tímabilinu 1. apríl til 15. júní sl. sem rekja má til útbreiðslu kórónaveirunnar. Heildartekjurnar fyrirtækisins voru á þessum tíma rétt um 11 milljónir króna en höfðu verið um 276 milljónir kr. á mánuði á sama tíma í fyrra.

Af þessum sökum átti Gray Line í erfiðleikum með að standa í skilum við lánadrottna og töldu stjórnendur þess að aðgerðir einstakra kröfuhafa væru yfirvofandi. Af þeim sökum var óskað eftir greiðsluskjóli í lok júní takt við lög sem Alþingi hafði þá nýlega samþykkt.

Þessi málsatvik eru rakin í úrskurði Héraðsdóms Reykjavíkur sem birtur var í byrjun vikunnar. Þar var Gray Line veitt framlenging á greiðsluskjóli fram til 29. mars á næsta ári. Málinu er þó ekki lokið því N1 hefur áfrýjað til Landsréttar.

„Ljóst er er að N1 gerir þetta ekki vegna hagsmuna sinna sem almennur kröfuhafi heldur liggur eitthvað annað að baki sem við áttum okkur ekki á,“ segir í bréfi sem Þórir Garðarsson og Steindór Sigurðsson, stjórnendur og stofnendur Allrahanda Gray Line, sendu kröfuhöfum fyrirtækisins í fyrradag.

Þar segja þeir að N1 hafi verið eini af tvö hundrað kröfuhöfum sem sett hafi sig upp á móti áframhaldandi greiðsluskjóli.

Í úrskurði héraðsdóms segir að skuld Gray Line við N1 sé 47 milljónir í dag og um 40 milljónir af þeirri upphæð hafi verið í vanskilum áður en heimsfaraldurinn skall á. Þar með uppfyllir Gray Line ekki þau skilyrði sem sett eru fyrir greiðsluskjóli að mati stjórnenda N1.

Þeir telja líka eignir Gray Line ofmetnar og eigið fé félagsins því neikvætt um 300 milljónir króna en ekki jákvætt um rúmar eitt hundrað milljónir eins og segir í bókum félagsins. Héraðsdómur féllst þó ekki á þessar skýringar samkvæmt því sem segir í úrskurðinum.

Sem fyrr segir hefur N1 áfrýjað framlengingu greiðsluskjóls Gray Line til Landsréttar og er búist við niðurstöðu þaðan innan sex vikna.

Nýtt efni

Play tapaði 3,1 milljarði króna fyrir skatt á fyrsta ársfjórðungi í fyrra en núna var tapið 19 prósent hærra eða 3,7 milljarðar króna. Félagið jók framboðið um 63 prósent á milli þessara tveggja fjórðunga en í flota félagsins voru sex til átta þotur í byrjun síðasta árs en núna eru þær tíu. Einar Örn Ólafsson, …

Sjóðir bandaríska flugvélaframleiðandans Boeing minnkuðu um 3,9 milljarða dollara á fyrsta ársfjórðungi. Upphæðin jafngildir 550 billjónum íslenskra króna og skýringin á þessum mikla fjármagnsbruna liggur í endurteknum göllum í þeim flugvélum sem fyrirtækið framleiðir. Af þeim sökum hefur bandaríska flugöryggisstofnunin takmarkað afköstin í verksmiðjum Boeing við 38 Max þotur í mánuði. Þar með þurfa flugfélög …

Fyrr á þessu ári kynnti fyrirtækið til sögunnar Precious Honeyglow anansinn sem er aðeins um 600 1000 grömm að þyngd eða um það bil helmingi minni en hefðbundinn ananas.Í fréttatilkynningu frá fyrirtækinu segir að það kappkosti ávallt að uppfylla óskir kaupenda, hvort sem þær eru um sætara bragð, sjálfbærnisjónarmið og nú – stærð. Hið nýja …

Tekjur Icelandair af farþegaflugi námu rúmlega 27 milljörðum króna á fyrsta fjórðungi ársins og hafa þeir aldrei verið hærri á þessum tíma árs. Sætaframboðið hefur heldur aldrei verið meira en það jókst það um 21 prósent á milli ára og var farþegahópurinn 14 prósent fjölmennari núna en fyrstu þrjá mánuðina í fyrra. Þá stóðu farþegar …

Það seldust 183 þúsund Volvo bílar á fyrsta fjórðungi ársins sem var aukning um 12 prósent frá sama tíma í fyrra. Engu að síður dróst veltan saman um 2 prósent og rekstrarafkoman (Ebit) nam 4,7 milljörðum sænskra króna eða 61 milljarði kr. Það er töluvert undir spá greinenda sem höfðu að jafnaði gert ráð rekstrarhagnaði …

„Afkoma fyrsta ársfjórðungs var í takt við væntingar okkar en rekstrarniðurstaðan í janúarmánuði litaðist af áhrifum alþjóðlegrar umfjöllunar um eldgos á Reykjanesi. Við nýttum þann mikla sveigjanleika sem félagið býr yfir til að laga sætaframboð að markaðsaðstæðum og jukum fjölda tengifarþega um 48 prósent með aukinni áherslu á þann markað þar sem markaðurinn til Íslands …

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …