Samfélagsmiðlar

Hvaða danska flugfélag flýgur fyrir Andra Má?

Af lýsingum að dæma þá er það ætlun Andra Más að notast við sama flugfélag og flytur farþega ferðaskrifstofu Arion banka í Danmörku. Andri segir í svari til Túrista að hann tjái sig ekki um einstaka samninga.

Andri Már Ingólfsson, forstjóri og eigandi Aventura.

Andri Már Ingólfsson, stofnandi Heimsferða og fyrrum eigandi Primera Air, segir frá því í gær að hann hefði samið við danskt flugfélag um að fljúga farþegum nýju ferðaskrifstofunnar sinnar, Aventura, til Spánar frá Íslandi á næsta ári.

Í ferðirnar verða nýttar 118 sæta Embraer flugvélar og hefur Mbl.is það eftir Andra Má að það sé full­kom­in stærð fyr­ir ís­lenska markaðinn. Það kemur þó ekki fram í fréttinni hvað danska flugfélagið heitir.

Á heimasíðu Aventura má þó finna flug til Spánar næsta sumar með flugfélagi sem notast við kóðann DW. Sá kóði tilheyrir danska flugfélaginu Great Dane og í flota þess félags eru einmitt Embraer þotur með sæti fyrir 118 farþega. Ekkert annað danskt flugfélag notast við þess háttar þotur samkvæmt því sem Túristi kemst næst. Það fæst þó ekki staðfest hjá Great Dane að félagið ætli að ferja farþega Aventura til Spánar næsta sumar.

Spurður um hvaða flugfélag samið hafi verið við þá segir Andri Már, í svari til Túrista, að Aventura tjái sig ekki um einstaka samninga félagsins þar sem þeir eru trúnaðarmál. Andri Már upplýsti engu að síður Túrista í vor um að hann hefði samið við tékkneska flugfélagið Smart Wings um flug til Kanaríeyja nú í vetur. Ferðir milli Íslands og Spánar hafa hins vegar legið niðri síðustu mánuði.

Einn stærsti viðskiptavinur Great Dane flugfélagsins er ferðaskrifstofan Bravo Tours. Sú tilheyrði Primera Travel Group sem var eigu Andra en Arion banki tók yfir sumarið 2019.

Í dag er Arion banki meirihlutaeigandi Bravo Tours eftir að hafa keypt vörumerkið út úr þrotabúi TravelCo Nordic en það félag var alfarið í eigu bankans.

Af heimasíðu Bravo Tours að dæma þá ætlar ferðaskrifstofan að halda áfram að bjóða upp á ferðir með Great Dane frá Danmörku næsta sumar. Nú er að sjá hvort félagið muni líka fljúga farþegum Aventura frá Íslandi til Spánar

Nýtt efni

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …

Útlit er fyrir að það hægist aðeins um í ferðaþjónustunni á þessu ári miðað við hraðan vöxtinn á síðasta ári. Ísland endurheimti ferðafólkið hraðar eftir heimsfaraldurinn en flest önnur lönd en nú er hægari gangur í bókunum. Þar hafa eldsumbrotin á Reykjanesskaga sín áhrif en hátt verðlag hér á landi fælir líka einhverja frá. Á …