Samfélagsmiðlar

Segir ekki aðkallandi að gera breytingar á stjórn Icelandair

Hluthafahópur Icelandair tók miklum breytingum eftir hlutafjáraukninguna í september því tveir af stærstu hluthöfunum, Lífeyrissjóður verzlunarmanna og PAR Capital Management, tóku ekki þátt í útboðinu. Vægi þessara tveggja sjóða var aftur á móti mikið þegar núverandi stjórn Icelandair var valinn á aðalfundi félagsins í byrjun mars.

Samkvæmt nýjasta hluthafalista Icelandair Group er lífeyrissjóðurinn LSR stærsti hluthafinn. Þar á eftir kemur Íslandsbanki og svo lífeyrissjóðurinn Gildi.

Stuttu eftir hlutafjáraukninguna fékk Túristi þau svör frá Gildi að ekki væri óeðlilegt að breytingar yrðu gerðar á stjórn Icelandair þar sem hluthafahópurinn hefði breyst í kjölfar útboðsins.

Spurður um stöðu mála í dag þá segir Árni Guðmundsson, framkvæmdastjóri Gildis, að málið hafi verið til skoðunar innan sjóðsins „Það er farið að styttast í aðalfund Icelandair og við erum með til skoðunar hvaða breytingar væri rétt að gera á stjórn félagsins á þeim vettvangi. Við sjáum m.a. fyrir okkur að eiga samtal við tilnefningarnefnd félagsins á næstunni hvað það varðar. Af okkar hálfu er ekki aðkallandi að gera breytingar á stjórn Icelandair á þessum tímapunkti, “ segir Árni.

Formaður stjórnar Icelandair Group í dag er Úlfar Steindórsson og með honum í stjórn eru þau Svafa Grönfeldt, Nina Jonsson, Guðmundur Hafsteinsson og John F. Thomas.

Þó starfsemi Icelandair Group sé lítil nú um stundir má gera ráð fyrir að á borði stjórnar félagsins séu flóknar ákvarðanir um flugflota félagsins og framtíðarskipulag á eldsneytiskaupum. Síðarnefnda málið er til að mynda á dagskrá hjá forráðamönnum IAG, móðurfélags British Airways, enda hefur félagið tapað gríðarlegum upphæðum á núverandi stefnu.

Á sama tíma má gera ráð fyrir að stjórnendur Icelandair þurfi að gera upp hug sinn varðandi rekstur dótturfélaga. Því eins og bent var á í tengslum við útgáfu ríkisábyrgðar til Icelandair þá er félagið í beinni samkeppni við fjölda íslenskra ferðaskrifstofa, bæði þær sem skipuleggja Íslandsferðir og selja Íslendingum utanlandsferðir. Það er hins vegar ekki algengt að erlend flugfélög reki ferðaskrifstofur undir öðru nafni.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …