Samfélagsmiðlar

Finnair óskar eftir ríkisláni í ljósi óvissu á næsta ári

Talsmaður finnska flugfélagsins segir í svari til Túrista að lánsféð megi aðeins nota að uppfylltum ákveðnum skilyrðum.

finnair a

Viðskiptamódel Finnair byggir á tengiflugi milli Asíu og Evrópu á sama hátt og Icelandair gerir út á tengifarþega á leið milli Norður-Ameríku og Evrópu.

Finnska ríkið mun veita flugfélaginu Finnair óveðtryggt lán upp á 400 milljónir evra eða um 62 milljarða króna. Lánveitingin er gerð með fyrirvara um samþykki framkvæmdastjórnar Evrópusambandsins. Í tilkynningu frá flugfélaginu segir að lausafjárstaða félagsins hafi numið 725 milljónum evra í lok þriðja ársfjórðungs. Það er um 113 milljarðar króna.

Samkvæmt svari frá Finnair, við fyrirspurn Túrista, þá er þessi lánveiting hluti af þeim aðgerðum sem finnska ríkið og Finnair sömdu um í vor í tengslum við kórónuveirufaraldurinn. Talsmaður Finnair ítrekar að flugfélagið geti aðeins nýtt sér lánið til þrautavara og með því að uppfylla ákveðin skilyrði um lausafjárstöðu.

Topi Manner, forstjóri Finnair, segir í fyrrnefndri tilkynningu til kauphallarinnar í Helsinki að flugfélagið búi sig næsta ár með nokkrum ólíkum útgáfum af því hvernig megi endurbyggja leiðakerfi flugfélagsins.

„Við komum inn í Covid-19 faraldurinn með sterkan efnahagsreikning og lausafjárstöðu. Núna viljum við tryggja að komumst í gegnum þessa fordæmalausu tíma og getum haldið áfram á þeirri leið okkar að tengja saman Asíu og Evrópu og þróa Finnair í að verða nútímalegt fyrsta flokks flugfélag,“ segir Manner, forstjóri.

Finnska ríkið á 58 prósent hlut í Finnair. Svo há var hlutdeildin líka fyrir hlutafjárútboð félagsins síðastliðið sumar.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …