Nú heldur ungverska flugfélagið Wizz Air út flugi milli Íslands og Vínarborgar allt árið um kring. Ferðirnar hafa þó að mestu legið niðri nú í haust og í október var til að mynda bara ein ferð í boði.
Í ljósi þess og hversu miklar ferðatakmarkanir gilda þá þarf ekki að koma á óvart að fáir Íslendingar voru á ferðinni í höfuðborg Austurríkis í október. Gistinóttum Íslendinga þar fækkaði þannig um 97 prósent í mánuðinum og voru samtals 34 talsins.
Sem fyrr segir þá fljúga þotur Wizz Air héðan til Vínarborgar allt árið og yfir sumarmánuðina þá bætast við ferðir á vegum Austrian Holidays.