Samfélagsmiðlar

Covid-19 vottorðið álíka dýrt og flugmiði

Það eru ekki margir á ferðalagi á milli landa þessa dagana en þeir sem þess þurfa verða að gera ráð fyrir þónokkru umstangi og kostnaði við að komast yfir landamæri.

Á Heathrow flugvelli í London geta farþegar bókað skimun fyrir Covid-19 en niðurstöður fást ekki endilega samdægurs.

Frá og með miðvikudeginum verða þeir sem nýta sér áætlunarflugið héðan til Boston að framvísa vottorði um neikvæða niðurstöðu í nýju Covid-19 prófi. Sömu kvaðir eru á þeim sem fljúga héðan til London og Kaupmannahafnar.

Sá sem er sjúkratryggður hér á landi borgar samtals 13.395 krónur fyrir skimun og vottorð hjá Heilsugæslunni. Gjaldið er nærri tvöfalt hærra fyrir þá sem ekki eru sjúkratryggðir hér á landi eða 24.475 krónur samkvæmt nýrri verðskrá.

Til samanburðar kostar flugmiði með Icelandair til London á sunnudaginn rúmar 15 þúsund krónur.

Íslendingar með lögheimili í útlöndum og aðrir ferðamenn sem hingað koma þurfa að borga hærra gjaldið. Og í sumum tilvikum verða farþegar líka að borga fyrir skimun áður en lagt er í hann til Íslands.

Líka þeir sem millilenda

Það á til dæmis við ef millilent er í landi þar sem farþegar eiga að framvísa neikvæðu Covid-19 vottorði.

Þar með verður sá sem neyðist til að millilenda í þessum borgum á leiðinni heim til Íslands að verða sér út um skimun og vottorð í útlöndum.

Samkvæmt heimasíðu easyJet kostar skimun í Bretlandi að minnsta kosti 72 pund en það jafngildir nærri 13 þúsund kr. Á heimasíðu Heathrow flugvallar er hægt að bóka skimun en hún kostar nærri 20 þúsund kr. Niðurstöður fást innan tveggja sólarhringa.

Breyttar reglur á Keflavíkurflugvelli í vor

Þann 1. maí nk. verður sú regla tekin upp á landamærum Íslands að ferðamenn verða undanþegnir sóttkví og síðari skimun ef þeir getað framvísað vottorði um neikvæða niðurstöðu PCR-prófs. Þetta á þó aðeins við þá sem koma frá löndum þar sem tíðni smita er lág.

Þeir sem geta sýnt fram á vottorð um bólusetningu eða mótefni sleppa hins vegar við þetta umstang.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …