Það er óhætt að segja að óvissa ríkir um framtíð Norwegian enda er flugfélagið í greiðslustöðvun. Samhliða því ferli standa yfir viðræður við kröfuhafa og fjárfesta um fjárhagslega endurskipulagningu félagsins.
Norwegian hefur síðustu ár verið stórtækt í Íslandsflugi og ekkert félag flutti fleiri farþega milli Íslands og Spánar áður en heimsfaraldurinn setti strik í reikninginn.
Núna liggja allar ferðir Norwegian til Keflavíkurflugvelli niðri en frá og með lokum mars ætlar félagið að taka upp þráðinn á ný. Þannig býður félagið nú flugmiða til Íslands til bæði Alicante og Barcelona frá og vetrarlokum. Auk þess eru á boðstólum ferðir til Óslóar eins og sjá má á töflunni hér fyrir neðan.
Þess ber þó að geta að fargjöldin í Spánarflugi Norwegian eru óvenju há sem gæti verið til marks um að líkurnar á að þær ferðir detti upp fyrir séu nokkuð miklar. Stjórnendur flugfélagsins hafa til að mynda ekki útilokað að umsvif félagsins muni einskorðast við ferðir til og frá Skandinavíu ef félagið kemst á flug á ný.
Ef það yrði niðurstaðan þá myndu ferðir Norwegian frá Spáni til Íslands að leggjast af.