Samfélagsmiðlar

Taka út viðbótarálagningu á farmiðum sem gilda aðra leiðina

Með nýjum fargjaldareglum Finnair þá verður ódýrara að kaupa sér farmiða aðra leiðina til Helsinki frá Keflavíkurflugvelli.

helsinki yfir

Frá Helsinki.

Sú var tíðin að hefðbundin flugfélög buðu ekki upp á farmiða aðra leiðina. Viðskiptavinirnir urðu að kaupa farmiða báðar leiðir. Þannig var því til að mynda farið hjá Icelandair löngu eftir að Iceland Express kom inn á markaðinn með þess háttar fargjöld.

Síðar breytti Icelandair reglunum líkt og svo mörg önnur flugfélög enda höfðu þau engan annan kost vegna harðnandi samkeppni frá lágfargjaldaflugfélögum.

Aftur á móti hafa hefðbundnu flugfélögin haldið áfram að vera með töluverða álagningu á farmiða sem gilda aðra leiðina. Frá og með deginum í dag ætlar finnska flugfélagið Finnair hins vegar að láta af þeim starfsháttum. Þar með verður miklu ódýrara að fljúga aðra leiðina frá Keflavík til Helsinki með Finnair en Icelandair eins og þessi dæmi sýna.

Farþegi sem bókar farmiða frá Íslandi til höfuðborgar Finnlands, dagana 9. til 15. apríl, borgar þannig 32.415 krónur hjá Icelandair fyrir far báðar leiðir. Miðinn hjá Finnair kostar 35.650 kr.

Ef farþeginn vill hins vegar aðeins bóka farið út til Helsinki þann 9. apríl þá rukkar Icelandair 35.275 kr. en Finnair aðeins 17.767 kr. Munurinn er tvöfaldur.

Svipaða sögu er segja ef ferðinni er heitið til Helsinki þann 12. júlí. Þá kostar farmiði, aðra leið, með Icelandair 32.415 en 18.846 kr. hjá Finnair. Ef keyptur er farmiði báðar leiðir og heimferðin er viku síðar þá kostar öll ferðin 49.235 kr. hjá Icelandair en 38.320 kr. hjá Finnair.

„Við viljum bjóða viðskiptavinum okkar fleiri valkosti og auka sveigjanleikan. Og með því að taka út flækjurnar sem fylgja farmiðum sem gilda báðar leiðir þá gerum við kaupferlið einfaldara og gegnsætt,“ segir framkvæmdastjóri sölusviðs Finnair í tilkynningu. Hann bætir því við að þessi breyting sé eitthvað sem viðskiptavinir flugfélagsins hafi óskað eftir.

Þá er spurning hvort Icelandair fylgi fordæmi Finnanna.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …