Að sögn stjórnenda Wizz Air er lausafjárstaðan góð en þeir vilja bæta hana ennþá frekar og um leið gera félaginu kleift að sækja fram. Af þeim sökum tilkynnti félagið nú í morgun um útgáfa á skuldabréfum upp á 500 milljónir evra. Upphæðin jafngildir rúmum 78 milljörðum króna.
Wizz Air er stórtækt í Íslandsflugi og gerir sumaráætlun félagsins, sem hefst í lok mars, ráð fyrir reglulegum ferðum hingað frá ellefu evrópskum borgum og þar af fimm pólskum.
Framboð félagsins á flugsætum frá Keflavíkurflugvelli til Póllands nam að jafnaði tíu þúsund sætum á mánuði fyrir heimsfaraldurinn. Keppinautar Wizz Air hafa ekki veitt félaginu neina samkeppni á þessum flugleiðum hingað til líkt og Túristi fjallaði um nýverið.