Frá áramótum hafa rétt um sjötíu flugmenn verið við störf hjá Icelandair en þeir voru hátt í sex hundruð sumarið 2019. Í dag voru hins vegar tuttugu flugmenn endurráðnir til félagsins.
Samkvæmt upplýsingum frá Icelandair þá eru þetta flugmenn sem fara til starfa á Boeing 757 þotunum en ekki í þjálfun á Boeing MAX.
Icelandair auglýsti nýverið eftir flugstjórum á Boeing MAX þotur félagsins og þar gátu aðeins þeir sótt um sem voru enn á launaskrá. Fimmtán þeirra sóttu um stöðurnar en í flota Icelandair verða brátt níu Boeing MAX þotur.
Fréttin var uppfærð með svari frá Icelandair