Nærri átta af hverum tíu hótelherbergjum í Reykjavík voru skipuð gestum í febrúar í fyrra en á samtíma var hlutfallið rétt rúmur helmingur í Kaupmannahöfn og Stokkhólmi. Herbergjanýtingin var einnig hærri í Reykjavík í janúar og meira að segja í mars þegar Covid-19 var farið að hafa verulega áhrif á ferðir fólks.
Aftur á móti komu reykvísk hótel verr út en þau á hinum Norðurlöndunum það sem eftir lifði síðasta árs eins og sjá á línuritinu hér fyrir neðan.
Hlutfall frátekinna hótelherbergja hefur nefnilega verið mun lægra í Reykjavík en þekkist í höfuðborgum frændþjóðanna. Mismunurinn var áberandi mikill síðastliðið haust og í byrjun vetrar.
Megin skýringin á því herbergjanýtingin er hærri í hinum borgunum er líklegast sú að þar er heimamarkaðurinn mun stærri en hér á landi.
Eins ber að hafa í huga að fjöldi gististaða hefur verið lokaður síðustu mánuði en ekki liggur fyrir hvert hlutfallið er í hverri borg fyrir sig.