Gistinóttum Íslendinga á hótelum hér á landi fjölgaði um 22 prósent í fyrra enda fækkaði ferðum landans umtalsvert til útlanda á sama tíma. Aðrar þjóðir héldu sig líka að mestu heima hjá sér vegna heimsfaraldursins og fækkun gistinótta útlendinga á íslenskum hótelum, allt árið í fyrra, nam 77 prósentum samkvæmt tölum Hagstofunnar.
Af þeim tíu þjóðum sem keyptu flestar gistinætur á hótelunum árið 2019 þá var samdrátturinn í fyrra hlutfallslega minnstur hjá Dönum eða rétt rúmur helmingur.
Niðursveiflan var hins vegar mest meðal bandarískra og kanadískra feðramanna eins og sjá má á súluritinu hér fyrir neðan.
Megin skýringin á því að breskum gistinóttum fækkaði ekki meira en raun ber vitni er sú að Bretar ferðast hingað mest í byrjun hvers árs. Þeirri vertíð var því að ljúka þegar ferðatakmarkanir tóku gildi vegna útbreiðslu Covid-19.