Nú í maí ætlar Delta Air Lines að hefja daglegt flug til milli Íslands og þriggja borga í Bandaríkjunum. Þar á meðal er Boston, sem er nýr áfangastaður. Hinar borgirnar eru New York og Minneapolis/St. Paul, en þangað hefur Delta flogið undanfarin ár ef 2020 eru undanskilið.
Fyrsta brottför til JFK flugvallar í New York er á dagskrá 1. maí, til Boston fer fyrsta ferð 20. maí og til Minneapolis/St. Paul verður byrjað að fljúga 27. maí.
Í tilkynningu frá bandaríska flugfélaginu segir að ákvörðunin um að hefja daglegt flug milli Íslands og þessara þriggja borga í Bandaríkjunum byggi á því að Ísland er fyrsta Evrópulandið til að heimila komu bandarískra
ferðamanna sem hafa fengið fulla bólusetningu án þess að þeir þurfi að fara í sóttkví.
Ísland er þannig fyrsti áfangastaðurinn í Evrópu sem stendur ferðaþyrstum Bandaríkjamönnum til boða frá því að heimsfaraldurinn byrjaði fyrir ári síðan.
„Við vitum að viðskiptavinir okkar eru spenntir fyrir því að komast aftur út í heim. Eftir því sem traust á ferðalögum eykst, þá vonumst við til að fleiri lönd opni fyrir bólusettum ferðamönnum og skapi þannig aukin tækifæri fyrir fólk til að tengja og upplifa,“ segir Joe Esposito, framkvæmdastjóri
leiðakerfisstýringar Delta Air Lines.
Farþegar Delta frá Bandaríkjunum mun þurfa að færa sönnur á fullri bólusetningu eða að þeir hafi náð sér af Covid-19 sýkingu. Farþegar til Bandaríkjanna munu þurfa að sýna neikvæða niðurstöðu úr
Covid-19 skimun að því segir í tilkynningu.
Sem fyrr segir mun Delta fljúga daglega til borganna þriggja í ferðirnar verða notaðar Boeing 757 þotur. Í þeim sem fljúga til Boston eru 193 sæti en 168 sæti í þeim flugvélum sem fljúga héðan til New York og Minneapolis.
