Það var í mars í fyrra sem Covid-19 setti allt úr skorðum hér á landi og þá fækkaði flugferðunum til og frá landinu verulega. Og segja má nú, nærri einu ári síðar, hafi staðan ekkert skánað. Í nýliðnum mánuði fækkaði áætlunarferðunum frá Keflavíkurflugvelli til að mynda um 95 prósent samkvæmt talningu Túrista.
Og samdrátturinn hjá Icelandair var hlutfallslega sá sami eða 95 af hundraði.
Áætlunarferðum félagsins fækkaði um hátt í fjórtán hundruð í febrúar en þá ber að hafa í huga að í fyrra var hlaupaár. Að jafnaði flugu þotur Icelandair um þrjár ferðir til og frá landinu í nýliðnum febrúar en þær voru um fimmtíu á dag á sama tíma í fyrra.
Fjögur erlend flugfélög buðu upp á áætlunarferðir til Íslands í síðasta mánuði og stóðu þau undir 32 prósent af umferðinni á meðan Icelandair var með restina.