Fyrir mánuði síðan voru tuttugu flugmenn endurráðnir til Icelandair. Þá fengust þau svör frá flugfélaginu að hópurinn ætti að fara til starfa á Boeing 757 þotum félagsins en ekki í þjálfun á Boeing MAX.
Nú í vikulokin hafa svo tuttugu og átta flugmenn til viðbótar verið ráðnir til Icelandair á nýjan leik samkvæmt heimildum Túrista. Hluti þessara flugmanna fer strax í þjálfun á MAX þoturnar enda hafa ekki allar lausar flugstjórarstöður á þær flugvélar verið fylltar.
Hnir sem nú hafa verið endurráðnir munu hins vegar taka við Boeing 757 þotunum og fylla þar skarð þeirra flugmanna sem nú flyst yfir yfir á MAX þoturnar.
Icelandair tók í vikunni eina af MAX þotum sínum í notkun á ný en ennþá hafa bara tvær af sex þotum félagsins verið teknar úr geymslu. Full þjálfun flugmanns á MAX þotu getur tekið allt að sextíu daga.
Með endurráðningum síðustu vikna þá eru um 120 flugmenn á launaskrá Icelandair. Þær voru hins vegar um fjórfalt fleiri sumarið 2019.