Samfélagsmiðlar

Hafa tekið út flugið milli Íslands og Spánar

Nú er endanlega ljóst að Norwegian ætlar ekki að taka upp þráðinn í áætlunarflugi sínu til Keflavíkurflugvallar frá Spáni.

Nú stefnir að þotur Norwegian muni aðeins fljúga hingað til lands frá Ósló.

Umsvif Norwegian hafa nú í heimsfaraldrinum takmarkast við flug innan Skandinavíu. Ferðir félagsins til Íslands frá Noregi og Spáni hafa því legið niðri. Engu að síður hefur verið hægt að bóka sæti á heimasíðu félagsins í flug frá Keflavíkurflugvelli til Óslóar, Alicante og Barcelona langt fram í tímann.

Nú hefur Norwegian hins vegar tekið úr sölu allar ferðir frá spænsku borgunum til Íslands. Áfram er þó gert ráð fyrir áætlunarferðum hingað frá Ósló. Fyrsta brottför ársins er á dagskrá þann 6. maí nk.

Það kemur ekki á óvart að Norwegian hafi tekið flugið milli Íslands og Spánar úr sölu. Því líkt og Túristi hefur bent á þá voru fargjöldin óvenju há. Þess háttar verðlagning er oft undanfari þess að flugleið sé felld niður. Einnig liggur það fyrir að Norwegian mun ósennilega opna starfsstöðvar sínar á Spáni eftir að heimfaraldrinum lýkur.

Þegar mest lét þá flugu þotur Norwegian til Íslands frá fimm spænskum borgum; Alicante, Barcelona, Las Palmas, Tenerife og Madríd.

Líkt og Túristi hefur áður rakið þá jók þetta áætlunarflug norska flugfélagsins mjög á ferðamannastrauminn hingað frá Spáni yfir vetrarmánuðina.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …