Áætlunarflug Icelandair til Flórída hefur vanalega legið niðri frá byrjun júní og fram á haustið. Það hefur átt við ferðir félagsins til Orlando og líka til Tampa.
Nú gerir félagið aftur á móti ráð fyrir að hefja flug til þeirrar fyrrnefndu þann 23. júlí og fljúga tvisvar sinnum í viku. Þessar ferðir voru ekki hluti af upphaflega sumaráætlun Icelandair en nú eru þessar ferðir til sölu á heimasíðu félagsins.
Árið 2019 flutti nýttu 65 þúsund farþegar sér ferðir Icelandair til og frá Orlando og að jafnaði voru átta af hverjum tíu sætum skipuð farþegum samkvæmt tölum frá bandarískum flugmálayfirvöldum.
Sem fyrr segir þá hafa ferðir Icelandair til Flórída hins vegar vanalega legið niðri yfir sumarmánuðina. Nú sjá þó stjórnendur Icelandair tækifæri í ferðum til fylkisins samkvæmt því sem sjá má á heimasíðu flugfélagsins.