Samfélagsmiðlar

Stofnendur Norwegian með fjórðungs hlut í nýju flugfélagi

Nýtt norskt lággjaldaflugfélag hefur gert samning um leigu á Boeing Dreamliner þotum frá Norwegian. Ætlunin er fljúga farþegum milli Evrópu og Norður-Ameríku frá og með lokum þessa árs.

bjornkjos

Bjørn Kjos, stofnandi Norwegian.

Brátt kemur í ljóst hvort fjárhagsleg endurskipulagning Norwegian gangi eftir en félagið hefur verið í greiðslustöðvun í nærri allan vetur. Stjórnendur Norwegian hafa þó gefið út að áætlunarflug félagsins, frá Evrópu til Norður-Ameríku, heyri sögunni til. Þar með er ekki lengur not fyrir Boeing Dreamliner breiðþoturnar sem félagið er með á leigu.

Og nú segist Norðmaðurinn Bjørn Tore Larsen hafa gert samning um leigu á níu af þessum þotum á „hálfvirði“. Þær verða uppistaðan í flugflota nýs lágfargjaldaflugfélags sem hlotið hefur heitið Norse Atlantic Airways.

Það félag mun einbeita sér að flugferðum milli Evrópu og Norður-Ameríku og meðal hluthafa eru nafnarnir Bjørn Kjos og Bjørn Kise, stofnendur Norwegian. Þeir eiga nærri ekkert eftir af hlutabréfunum sínum í Norwegian en saman munu þeir fara fyrir um fjórðungs hlut í Norse Atlantic Airways samkvæmt frétt Dagens Næringsliv.

Stærsti eigandinn er hins vegar fyrrnefndur Bjørn Tore Larsen en hann rak meðal annars áhafnaleigur fyrir Norwegian á sínum tíma.

Stefnt er að jómfrúarferð Norse Atlantic Airways í árslok og meðal þeirra áfangastaða sem forráðamenn þess horfa til eru New York, Los Angeles, Miami, London, París og Ósló.

Félagið ætlar strax í næsta mánuði á hlutabréfamarkað og hefur fengið verðbréfafyrirtækið Pareto til þess verkefnis samkvæmt frétt E24.no. Pareto hefur einnig unnið fyrir Icelandair og kom að umtöluðu skuldafjárútboði Wow air haustið 2018.

Flyr er svo annað norskt flugfélag er í burðarliðnum en það félag mun einbeita sér að flugi innan Evrópu.

Nýtt efni

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …