Samfélagsmiðlar

Þriðji hver áfangastaður ennþá lokaður

Ísland telst að hluta til lokað í nýrri í samantekt ferðamálaráðs Sameinuðu þjóðanna. Þar eru landamæri fimmtán Evrópuríkja hins vegar sögð alveg lokuð.

kaupmannahofn ferdamadur Morten Jerichau

Ferðamaður við Amalienborg í Kaupmannahöfn.

Þegar útbreiðsla Covid-19 hófst í lok síðasta vetrar þá voru teknar upp strangar sóttvarnaraðgerðir á landamærum víðast hvar í heiminum. Í maí í fyrra voru til að mynda þrír af hverjum fjórum áfangastöðum ferðamanna lokaðir samkvæmt því sem fram kemur í tilkynningu frá ferðamálaráði Sameinuðu þjóðanna.

Þar segir jafnframt að staðan hafi batnað síðastliðið sumar en ennþá geti ferðamenn ekki komist til 69 af þeim 217 áfangastöðum sem talning ferðamálaráðs SÞ nær til. Og meira en helmingur þeirra landa og svæða sem nú teljast lokuð hafa verið það í alla vega fjörutíu vikur.

Fimmtán Evrópuríki teljast algjörlega lokuð samkvæmt mati ferðamálaráðs Sameinuðu þjóðanna, þar á meðal eru Austurríki, Belgía, Tékkland, Danmörk, Þýskaland, Ungverjaland, Noregur og Pólland.

Aftur á móti eru landamæri Íslands sögð lokuð að hluta til og það sama á við Ítalíu, Króatíu, Spán, Sviss, Svíþjóð og Grikkland.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …