Það er vissara fyrir þá sem eru á leið í bílaferðalag um Ísland í sumar að bera saman verð áður en bílaleigubíllinn er bókaður. Verðmunurinn getur nefnilega verið verulegur.
Þetta sýna niðurstöður verðkönnunar Túrista. Þar eru borið saman verð á fimm umsvifamiklum bílaleigum við Keflavíkurflugvöll á þremur mislöngum tímabilum í sumar. Bílaleigunnar eru Avis, Bluecar, Enterprise, Europcar og Hertz.
Hjá Bluecar borga leigutakar minnst eða að jafnaði tæpar tíu þúsund krónur á dag fyrir smábíl. Enterprise rukkar mest eða rúmlega átján þúsund krónur. Verðmunurinn er ennþá meiri þegar kemur að jepplingum eins og sjá má hér fyrir neðan.
Lítil eftirspurn gæti verið megin skýring á því að leiguverðið er svona ólíkt hjá bílaleigunum um þessar mundir.
Túristi gerði einnig könnun þann 18. desember sl. þar sem verð var skoðað hjá sömu bílaleigum og á sömu dagsetningum.
Á þeim tíma sem liðinn hefur hefur leiguverðið hjá Hertz lækkað að jafnaði um 28 prósent en hækkað um 29 prósent hjá Enterprise. Hjá hinum þremur leigunum hækkaði meðalverðið um 2 til 12 prósent.
Túristi mun halda áfram að fylgjast með verðþróuninni næstu mánuði.