Utanríkisráðuneyti Bandaríkjanna hvetur nú þegna landsins til að endurskoða áform sín um ferðalög út í heim vegna útbreiðslu kórónaveirunnar.
Ráðuneytið leggst gegn ferðalögum til átta af hverjum tíu löndum í heiminum og mælir ekki með ferðalögum til annarra landa. Þetta kemur fram í tilkynningu sem ráðuneytið sendi frá sér í gær en ekki er um að ræða formlega ferðaviðvörun.
Þetta nýja mat bandarískra stjórnvalda byggir á ráðleggingum frá CDC, bandarísku sóttvarnarstofnuninni.
Á heimasíðu CDC er Ísland flokkað með ríkjum þar sem útbreiðsla Covid-19 er í meðallagi. Stofnunin mælist því til að eingöngu þeir Bandaríkjamenn sem hafa verið bólusettir ferðist til landsins og aðeins ef nauðsyn krefur til.
Á vef bandaríska utanríkisráðuneytisins er Ísland í flokki 3 og eru Bandaríkjamenn beðnir um að endurskoða ferðir sínar til landa í þeim flokka eins og sjá má hér að neðan.
As travelers face ongoing risks due COVID-19, we have updated our Travel Advisories to better reflect @CDC’s science-based Travel Health Notices. We also considered logistics like testing availability and travel restrictions for U.S. citizens. https://t.co/Eu0gas8DZg. pic.twitter.com/R7GMnk8DIN
— Travel – State Dept (@TravelGov) April 19, 2021
