Samfélagsmiðlar

Fá mikinn meirihluta í Play

Stjórn lífeyrissjóðsins Birtu fjallaði í gær um mögulega aðkomu sjóðsins að hinu verðandi flugfélagi Play. Þetta herma heimildir Fréttablaðsins. Í grein blaðsins segir jafnframt að fjárfestingafélagið Stoðir og eigendur Langasjós, sem á heildverslunina Mata og fjárfestingafélagið Brimgarða, íhugi að taka þátt í hlutafjárútboði Play. Þátttaka mun einnig vera til skoðunar hjá lífeyrissjóðnum Lífsverk.

Ætlunin er að safna hlutafé upp á 4,5 milljarða króna og munu nýir fjárfestar fá mikinn meirihluta í Play samkvæmt Fréttablaðinu. Virði félagsins er í dag metið á rúmlega einn milljarð króna og mun verðmatið meðal annars byggja á þeim fjármunum sem Elías Skúli Skúlason, stjórnarformaður Play, og hópur fjárfesta hafi lagt til.

Viðskiptablaðið hafði það eftir Elíasi Skúla í júní í fyrra að rekstur Play kostaði á bilinu 200 til 300 þúsund evrur í mánuði. Það jafngildir 30 til 45 milljónum króna á gengi dagsins í dag. Miðað við þær tölur þá er ljóst að rekstur Play hefur kostað að minnsta kosti um fjögur hundruð milljónir króna síðastliðna tólf mánuði.

Fréttablaðið segir einnig frá því að hluti fjárfestanna, sem nú íhuga kaup á hlutafé Play, vilji ráða Birgi Jónsson, fyrrum framkvæmdastjóra Iceland Express og Íslandspósts, sem forstjóra.

Þess má þó geta að Birgir var einnig aðstoðarforstjóri WOW air í eitt ár og hafði áður sinnt ráðgjafastörfum fyrir félagið. Birgir lét hins af störfum hjá WOW sumarið 2015, stuttu eftir að félagið hóf að fljúga til Bandaríkjanna.

Líkt og Túristi greindi frá fyrr í þessari viku þá er Play með vilyrði fyrir leigu á þremur Airbus A321 þotum.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …