Samfélagsmiðlar

Segir það ekki sitt né Isavia að hafa skoðun á sýn forstjóra Icelandair

Sveinbjörn Indriðason, forstjóri Isavia.

Eftir fall Wow air þá varð Icelandair á ný lang umsvifamesta flugfélagið á Keflavíkurflugvelli. Bæði flugfélögin nýttu Leifsstöð sem tengimiðstöð en Bogi Nils Bogason, forstjóri Icelandair, hefur lýst því yfir að hann telji ekki raunhæft að fleiri en eitt félag noti Keflavíkurflugvöll með þeim hætti.

Stór hluti af þeirri uppbyggingu sem Isavia vinnur að snýr engu að síður að því að efla Keflavíkurflugvöll sem tengimiðstöð.

Mikil tækifæri í skiptifarþegum

Spurður um þær takmarkanir sem Boga Nils sér í samkeppni í tengiflugi um Keflavíkurflugvöll þá bendir Sveinbjörn Indriðason, forstjóri Isavia, að það sé flugfélaga að meta þau tækifæri sem tengiflug um flugvöllinn býður upp á.

„Við höfum undanfarin ár unnið að því að byggja enn frekar upp Keflavíkurflugvöll sem öfluga tengistöð sem tengir saman stóra markaði. Við teljum mikil tækifæri fólgin í þeirri nálgun til framtíðar. Aftur á móti hvað varðar grundvöll fyrir því að eitt flugfélag eða fleiri nýti Keflavíkurflugvöll sem tengistöð þá er það ekki mitt eða Isavia að hafa skoðun á því hvort það er fýsilegt, það hlýtur að ráðast af því með hvaða hætti þau nýta þessi miklu tækifæri sem tengiflugið býður upp á og þá innviði sem eru til staðar á Keflavíkurflugvelli til að sinna tengiflugi,“ útskýrir Sveinbjörn.

Verða tvö um tengimiðstöðina næsta vor

Hlutafjáraukningu í Play er ný lokið og þar söfnuðust sex milljarðar króna. Fátt virðist því koma í veg fyrir að félagið fari í loftið á næstunni. Forstjóri Isavia segist fagna því að fá nýtt íslenskt félag á Keflavíkurflugvöll.

„Ég tek undir með forstjóra Icelandair að við fögnum því að fá nýjan íslenskan flugrekanda til okkar sem verður góð viðbót við allan þann fjölda flugfélaga sem hefur nýtt sér Keflavíkurflugvöll síðustu árin,“ segir Sveinbjörn.

Samkvæmt heimildum Túrista þá stefnir Play að því að hefja flug til Bandaríkjanna strax næsta vor. Við þau tímamót mun félagið bjóða farþegum beggja megin Atlantshafsins upp á tengiflug um Keflavíkurflugvöll.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …