Stór hluti af umsvifum finnska flugfélagsins Finnair snýr að farþegaflugi milli Asíu og Evrópu. Félagið flýgur nefnilega til fjölda áfangastaða í Austurlöndum fjær. Farþegarnir þaðan skipta svo um flugvél í Helsinki og halda ferðinni áfram til annarra áfangastaða í Evrópu.
Þar á meðal til Íslands en fjöldi asískra ferðamanna á leið hingað nýtir sér ferðir Finnair.
Ennþá er ekki ljóst hvenær opnast á ferðalög milli Asíu og Evrópu á ný en Finnair ætlar engu að síður að taka upp þráðinn í flugi sínu til Keflavíkurflugvallar þann 1. júní.
Fyrstu vikurnar verður aðeins flogið einu sinni í viku, nánar tiltekið á þriðjudögum. Þann 26. júní bætist svo við brottför á laugardögum. Í framhaldinu er aðeins gert ráð fyrir þessum tveimur ferðum í viku til Íslands samkvæmt svari frá Finnair.
Til samanburðar bauð finnska flugfélagið upp daglegar ferðir til Íslands áður en heimsfaraldurinn hófst.